27 qyrkúiekte QMA Astana qalasy boiynsha deparamenti asa iri kólemde alaiaqtyq jasady degen kúdikpen "As-Ai" JShS basshysy Asqar Asaiuly Omardy ustady, - dep habarlaidy "Ult aqparat" vedomstvonyń baspasóz qyzmetine silteme jasap.
QMA málimetinshe, Asqar Omar "Jolaýshylar tasymaly" AQ-dan keltirilgen zalaldy óndirip alý kezinde jetkizý kólemi týraly jalǵan málimetterdi jáne aýditorlardyń jalǵan qorytyndylaryn paidalanǵan.
Kvazimemlekettik kompaniianyń zańsyz áreketteriniń saldarynan 300 million teńgeden asa somaǵa zalal keltirilgen.
Omar urlanǵan qarajatqa Astanada quny 125 million teńge turatyn qymbat páter men 60 million teńgege Range Rover avtokóligin satyp alǵan.
Sonymen qatar, ol qarajatty kóleńkeli ainalymǵa shyǵarý úshin nominaldy zańdy tulǵalardan 1,3 milliard teńgege jalǵan shot-faktýralardy paidalanǵan.
Osyǵan bailanysty 285,6 million teńgege salyq tóleýden jaltarý deregi boiynsha qylmystyq is tergelip jatyr.
