Nur-Sultanda keiingi jyldary aralas jáne qazaq tildi mektepterdiń sany artyp kele jatyr, dep habarlaidy "Ult aqparat".
Qalalyq bilim basqarmasy QazAqparat agenttiginiń resmi saýalyna bergen jaýabynda elordada jalpy bilim beretin 129 mektep baryn habardar etti. Onyń ishinde (94 memlekettik - qazaq tilinde oqytatyn 32, orys tilinde 6 jáne qazaq jáne orys tilderinde – 56), 31 jeke menshik, 4 respýblikalyq (bir respýblikalyq fizika-matematika mektebi jáne úsh Nazarbaev ziiatkerlik mektebi) mektep bar.
Vedomstvo óz jaýabynda elordada keiingi kezde qazaq, orys jáne aralas mektepterdiń qaisysy artyp, qaisysy kemip bara jatqanyn habarlaǵan.
Basqarmanyń málimetinshe, jańa mektepterdi ashý kezinde onyń oqytý tili sol mektep mańyndaǵy turǵyndardyń talabyn eskere otyryp anyqtalady. Keiingi jyldary ashylǵan mektepterdiń basym kópshiligi 2 tilde oqytady. Sondai-aq qazaq tilindegi bilim ordalary da jii ashylyp jatyr.
«Biyl birinshi synypqa 21 007 bala qabyldandy, onyń ishinde qazaq synyptaryna - 10 806, orys synyptaryna – 10 128», - dep habarlaidy basqarmadan.
