Foto: ashyq derekkóz
Astanada Aqnár Hamittiń anasy Gúlstan Hamitti politsiia ustaǵan. Bul týraly zańger Inga Imanbai málimdedi, dep habarlaidy Ult.kz.
Onyń aitýynsha, qaitys bolǵan birneshe jastyń, iaǵni Sana Merlannyń, Ádel Aqanovanyń jáne Aqnar Gúlstannyń analaryn politsiia ustaǵan.
"Analar ujymdyq ótinish tapsyrý úshin barǵan. Ótinishtiń maqsaty - balalarynyń ólimine qatysty qylmystyq isterdiń táýelsiz jáne tolyq tergelýin talap etý. Alaida olar ǵimaratqa kirip úlgermegen. Ótinish qabyldanbaǵan. Analardy politsiia belgisiz baǵytqa alyp ketken", - dep jazdy Inga Imanbai.
Massaget.kz bul jaǵdaiǵa bailanysty Astana Politsiia departamentine júgindi.
"Esil aýdanynyń politsiia basqarmasyna ruqsat etilmegen jinalys ótkizýine bailanysty úsh áiel jetkizildi. Olarmen beibit jinalystar ótkizý tártibi týraly qoldanystaǵy zańnama talaptaryn saqtaý qajet ekeni týraly áńgime júrgizildi", - dedi politsiianyń baspasóz qyzmeti ókili.
Aita keteiik, 2024 jylǵy shildede Aqnár Hamit kópqabatty úidiń terezesinen qulap, aýyr jaraqattan kóz jumdy. Marqumnyń týystary onyń ózine qol jumsaǵanyna senbeidi. Buǵan deiin isti UQK tergep jatqany aityldy.
Jýyrda Aqnár Hamittiń anasy Gúlstan Hamit ádildik izdep júrgenin aityp, taǵy bir márte úndeý jasady.
