Búgin QR Mádeniet jáne aqparat ministrliginiń qoldaýymen Q. Qýanyshbaev atyndaǵy Qazaq Ulttyq mýzykalyq drama teatrynda asa kórnekti jazýshy, Qazaqstannyń halyq jazýshysy Ábish Kekilbaevtyń 85 jyldyǵyna arnalǵan «Kemel tulǵa kelbeti» atty halyqaralyq forým ótti.
Is-sharaǵa memleket jáne qoǵam qairatkerleri, shyǵarmashylyq ziialy qaýym men BAQ ókilderi qatysty.
QR MAM qoldaýymen uiymdastyrylǵan forým qatysýshylaryna Mádeniet jáne aqparat ministri Aida Balaevanyń quttyqtaý haty oqyldy.
«Ábish Kekilbaevtyń ónegeli ómiri tek jazýshylyqpen shektelmeidi. Ol – memleketshil qairatker, el bolashaǵyna adal qyzmet etken saiasatker, parasattylyq pen jaýapkershiliktiń simvoly. Táýelsiz Qazaqstannyń negizin qalaýshylardyń qatarynda turyp, ol óz boiyndaǵy asqaq rýh pen tereń bilimdi el igiligi úshin sarp etti. Ábish Kekilbaev bizge bolmysy biik tulǵanyń qandai bolýy kerektigin kórsetti. Onyń qaldyrǵan ónegesi – máńgilik. Endigi mindet – osy murany saqtap, damytý, Ábish álemin jańa zamanmen úilestirý», – delingen quttyqtaý hatta.
Halyqaralyq forým aiasynda jazýshynyń ómiri men shyǵarmashylyǵyna arnalǵan «Ábish Kekilbaev álemi» atty foto jáne kitap kórmesi uiymdastyryldy. Kórmege jazýshynyń qoljazbalary, pýblitsistikalyq maqalalary, kitaptarynan 150-ge jýyq eńbek, shyǵarmashylyq jolyn beineleitin 20-dan astam fotosýret qoiyldy.
Is-shara barysynda qalamgerdiń «Dáýren keshken» kitabynyń jáne túrik tiline aýdarylǵan «KUY» kitabynyń tanystyrylymy ótti.
Forým sońynda N.Jantórin atyndaǵy Mańǵystaý oblystyq mýzykalyq teatry Ábish Kekilbaevtyń «Shyńyraý» áńgimesiniń jelisimen qoiylǵan spektakldi tamashalady.
Aita ketsek, biyl elimizdiń ár túkpirinde zańǵar jazýshynyń mereitoiyna arnalǵan keshendi is-sharalar ótkizilip jatyr.
Keiingi tórt aidyń ózinde ádebi keshter, keńeitilgen kitap kórmesi, ádebi saǵattar, t.b. siiaqty 40-tan astam is-shara ótkizilgen.
Aitalyq, 27 qyrkúiekte Mańǵystaý oblysynda ótken Halyqaralyq «Ábish oqýlary» konferentsiiasy, «III Halyqaralyq Ábish Álemi teatr festivali» ótti. Teatr festivaline otandyq 5 teatr men sheteldik 5 teatr ujymy qatysyp, Ábish Kekilbaev shyǵarmalarynyń sahnalyq nusqasyn qala turǵyndaryna usyndy.
Sondai-aq, 6 jeltoqsanda «Qazaqstan» telearnasynda Ábish Kekilbaevtyń ómirine arnalǵan «Dáýir danalary» baǵdarlamasy, «Abai TV» «Jádiger» baǵdarlamasy efirge shyǵady.
8 jeltoqsanda «Habar» telearnasynda «Ábish Kekilbaevtyń zamana lebi» atty derekti film kórsetiledi.
