Astananyń 28 jastaǵy turǵyny politsiiaǵa «Vaz 2115» markaly avtokóliginiń urlanǵanyn aityp, aryz bergen, dep habarlaidy QazAqparat Nur-Sultan qalalyq Politsiia departamentiniń baspasóz qyzmetine silteme jasap.
Avtokólik iesiniń aitýynsha, ol qyzǵa kezdesýge kelgen, al kólikti Qoshqarbaev kóshesinde jol boiynda qaldyrǵan. Túngi ýaqytta kóliktiń signal berý júiesiniń joqtyǵyn paidalanyp, aram nietin iske asyrýshy sáikes keletin kiltti tańdap, kólikti aidap ketken. Materialdyq shyǵyn 700 myń teńgeni qurady.
Jedel izdestirý sharalaryn júrgizý barysynda kúdikti ustaldy. Elordanyń 36 jastaǵy turǵyny urlanǵan kólikti metall qabyldaǵyshqa 100 myń teńgege satyp úlgergeni anyqtaldy.
Politsiia qyzmetkerleri kólikti zańsyz iemdený faktisi boiynsha QR QK 200-baby boiynsha sotqa deiingi tergeý amaldaryn júrgizýde.
