Astana turǵyny 10 qabattan qulaǵaly turǵan 7 jasar balany qutqardy, dep habarlaidy QazAqparat QR IIM Tótenshe jaǵdailar komitetine silteme jasap.
Oqiǵa Saryarqa aýdanynyń Jeńis dańǵylyndaǵy kópqabatty úilerdiń birinde 24 qyrkúiekte bolǵan.
«Tańǵy 10:16-da Jeńis dańǵylyndaǵy 28-úide jas balanyń 10-qabattan qulaý qaýpi týraly habar kelip tústi. 10:22-de oqiǵa ornyna Astananyń №2 arnaiy mamandandyrylǵan órt sóndirý bólimi jetken jáne olar kelgenshe 9-qabattaǵy turǵyn balany qutqaryp úlgergen», - dep habarlady QR IIM TJ komitetiniń resmi ókili Rýslan Imanqulov.
Onyń aitýynsha, bala ata-anasyna tapsyryldy. Onyń jaǵdaiy qalypty jáne qosymsha meditsinalyq kómekti qajet etken joq.
