Astana politseileri bir top qalta urysyn ustady, - dep habarlaidy "Ult aqparat" Polisia.kz basylymyna silteme jasap.
Politsiiaǵa elordanyń turǵyndary avtobýstyń ishinde qymbat uialy telefondary urlanǵany týraly aityp aryzdanǵan.
Elordalyq politsiia qyzmetkerleri jedel-izdestirý is-sharalaryn júrgizý barysynda kúdiktilerdi ustady. Olar buryn urlyq jasaǵany úshin sottalǵan 33, 32 jáne 30 jastaǵy úsh er adam bolyp shyqty. Ustalǵan úsh qalta urysynyń elordaǵa Pavlodardan kelgeni anyqtaldy.
Qaskúnemder Astanaǵa marshrýttyq avtobýstarda urlyq jasaý maqsatynda kelgen. Tańerteń olar qoǵamdyq kólikte úsh uialy telefon urlyǵyn jasap, al tústen keiin elordadan ketpek bolǵan. Qalta urylary adamdarǵa toly avtobýstarǵa ádeii kirip, jolaýshylardyń qaltalarynan uialy telefondaryn sýyryp alǵan. Zattai dáleldemeler tárkilendi.
Olardyń qalta urlyǵynyń 15 deregine qatysy bar ekeni anyqtaldy.
Qazirgi ýaqytta QR QK 188-baby (Urlyq) boiynsha sotaldy tergeý amaldary júrgizilip jatyr. Kúdiktiler qamaýǵa alyndy, olardyń osyǵan uqsas birqatar qylmystarǵa qatystylyǵy tekserilip jatyr.
