Astana memlekettik qyzmet habynyń tájiribesi Tiimdi institýttar platformasynyń (EIP) VII jyl saiynǵy kezdesýinde usynyldy.
EIP jyl saiynǵy kezdesýi "Alynǵan sabaqtar: P2P ózara is-qimyl" esebiniń prezentatsiiasyna arnaldy, onda halyqaralyq uiymdardyń, onyń ishinde Astana habynyń "teń teńimen" (P2P) qaǵidaty boiynsha oqytýdy ilgeriletý jónindegi tájiribesi kórinis tapty. Sondai-aq, qatysýshylar institýtsionaldyq ózgerister úshin P2P oqytýdy (MEL) baqylaý men baǵalaýdyń tiimdi tásilderin talqylady.
Is-shara barysynda EIP hatshylyǵy (EYDU shtab-páterinde ornalasqan) platformanyń sońǵy jyldaǵy jetistikterin kórsetti jáne 2022 jylǵa arnalǵan jumys josparyn usyndy. Sonymen qatar, EIP músheleri men seriktesteri "teń-teńimen" (P2P) qaǵidaty boiynsha oqytýdy ilgeriletý tájiribesimen bólisip, ózara is-qimyldyń basym baǵyttaryn talqylady.
Astana habynyń ókili moderator bolǵan sessiialardyń biri "Alynǵan sabaqtar"esebin ázirleý kezinde jasalǵan baqylaýlar men eskertpeler negizinde anyqtalǵan MEL quraldaryn synaqtan ótkizýdiń tiimdi tásilderi men qaǵidattaryn tanystyrýǵa jáne talqylaýǵa arnaldy.
Esep EIP konsýltativtik tobynyń músheleri usynǵan P2P oqytý boiynsha ozyq praktikalarǵa, ideialarǵa jáne alynǵan sabaqtarǵa sholý jasaidy, olardyń ishinde Astana Memlekettik qyzmet haby (ACSH); Jergilikti ózin-ózi basqarý bastamalary men jelileri (lOGIN), Úndistan; biýdjettik reformalardyń birlesken afrikalyq bastamasy (CABRI), Ońtústik Afrika; Ulybritaniianyń úkimettik áriptestikteriniń halyqaralyq uiymy (GPI) jáne ekonomikalyq basqarý ortalyǵy (CEG), Keniia.
MEL quraldary jáne "Alynǵan sabaqtar" esebi P2P oqytýdyń tiimdi tásilderin anyqtaýǵa, sondai-aq institýtsionaldyq jáne aýqymdy ózgerister engizý maqsatynda oqytýdy baqylaý men baǵalaýǵa negiz bolady.
Alynǵan sabaqtar týraly esep EIP veb-saitynda qol jetimdi: Learning_Lessons_from_P2P_Engagements.pdf (effectiveinstitutions.org)
Aita keteiik, Tiimdi institýttar platformasy (EIP) – 60-tan astam el men uiymdy qamtityn, sondai-aq memlekettik sektordy basqarý jáne institýtsionaldyq reformalar salasynda "teń-teńimen" qaǵidaty boiynsha bilim men tájiribe almasý boiynsha elder arasyndaǵy dialogty qoldaityn Alians. EIP-ti EYDU shtab-páterinde ornalasqan (Parij, Frantsiia) Hatshylyq qoldaidy jáne onyń quramyna EYDU damý máselelerindegi yntymaqtastyq jónindegi direktoratynyń ókilderi kiredi.
Astana memlekettik qyzmet haby 2015 jyldan bastap EIP múshesi bolyp tabylady jáne "teń jáne teń"qaǵidaty boiynsha oqytý" EIP ádisnamasyn belsendi qoldanady. Hab memlekettik qyzmetterdi kórsetý, elektrondyq úkimetti damytý, memlekettik basqarýdaǵy transformatsiia jáne innovatsiia salasyndaǵy tájiribeshilerdiń úsh aliansyn iske qosty. Alianstar quramyna Habqa qatysýshy 9 el (Ázirbaijan, Armeniia, Grýziia, Qazaqstan, Qyrǵyzstan, Ózbekstan, Tájikstan, Ýkraina, Estoniia) jáne úsh halyqaralyq uiym (AAPA, OECD, OGC) kiredi.
Hab eki ret EIP konsýltativtik tobynyń múshesi bolyp sailandy (2017-2018 jáne 2019-2020 jj.). Top músheleri EIP tiimdiligi men nátijeliligin arttyrý úshin EIP teń tóraǵalary men hatshylyǵyna strategiialyq jáne mazmundy baǵyttar boiynsha usynymdar beredi.
