Foto: Kólik ministrligi
Kólik ministrligi Aqmola oblysyna 55 shaqyrym jerde Aerostar R40F UP-LA229 jeńil motorly áýe kemesiniń qulaǵanyn rastady, dep habarlaidy Ult.kz.
Oqiǵa jalpy maqsattaǵy aviatsiia sheńberinde oryn alǵan. Ministrlik ushaq órtenbegenin atap ótti.
Quqyq qorǵaý organdarynyń málimetinshe, apat saldarynan eki adam – ushqysh pen jolaýshy kóz jumdy. Qaiǵyly oqiǵanyń sebepteri arnaiy komissiia tarapynan tekserilýde.
Ushaqty paidalaný kezinde qaýipsizdik talaptarynyń buzylýyna bailanysty qylmystyq is qozǵaldy.
Áýe apatyn zertteý departamentiniń mamandary qazir oqiǵa ornynda jumys istep jatyr.
