«Astana» fýtbol klýbynyń oiynshylary QR Prezidenti Nursultan Nazarbaevqa komandany Eýropa Ligasynyń 1/16 kezeńine alyp shyqqan dopty syilady, dep habarlaidy "Ult aqparat" fýtbol klýbynyń baspasóz qyzmetine silteme jasap.
Atalǵan syilyqty fýtbolshylar Astanada qaiyrymdylyq maqsatta ótken Jańa jyl balynda tapsyrdy.
«Qazaqstan Prezidenti syilyqty qabyl alyp, «Astana» oiynshylarymen azdaǵan pas almasý rásimin de jasady», - dep jazylǵan habarlamada.
Tanymal saiasatkerler, ártister, KVN-shilermen qatar, jańajyldyq keshte astanalyq klýbtyń Abzal Beisebekov, Ashat Taǵybergen, Dmitrii Shomko jáne Sergei Malyi siiaqty oiynshylary boldy.
Eske sala keteiik, «Astana» - Qazaqstan tarihynda Eýropa Ligasynyń 1/16 finalyna shyqqan tuńǵysh fýtbol klýby.
