2018 jyldyń 31 jeltoqsany kúni eńbek kelisimshartynyń aiaqtalýyna bailanysty «Astana» fýtbol klýbynyń Prezidenti Saian Hamitjanov klýbtan ketetin boldy. Bul týraly klýbtyń resmi saity málimdedi, dep habarlaidy "Ult aqparat".
«Astana» FK ujymy Saian Jaqsygeldiulyna onyń klýbtyń damýyna, jetistikter men titýldarǵa jetýine qosqan súbeli úlesi úshin alǵys aityp, jańa qyzmettik tabystarǵa jetýine tileýlestik bildiredi!», - delingen habarlamada.
Aita keteiik, «Astana» fýtbol klýbynda Saian Hamitjanov jumys istegen jyldardaǵy klýbtyń joǵary jetistikteri retinde Qazaqstan Premer-Ligasyndaǵy 5 dúrkin chempiondyq titýlyn, Qazaqstan Kýbogyn jáne eki dúrkin Qazaqstan Sýperkýbogyn, ÝEFA eýrokýboktarynyń toptyq kezeńinde tórt márte, sonyń ishinde 2015/16 jylǵy maýsymda ÝEFA Chempiondar ligasynyń toptyq kezeńinde óner kórsetkenin, 2018 jyly ÝEFA Eýropa ligasynyń 1/16 finalyna shyqqanyn atap kórsetýge bolady. Budan tys, elordalyq ujym ÝEFA Klýbtar reitingi boiynsha, Eýropanyń úzdik 50 klýby qataryna kirdi.
Saian Jaqsygeldiuly 2018 jyly Qazaqstan fýtbolynyń úzdik top-menedjeri atanǵan bolatyn.
