Biyl Ekinshi dúniejúzilik soǵysqa qatysqan ardagerlerge 35 AEK mólsherinde bir jolǵy kómek beriledi, dep habarlaidy "Ult aqparat".
Bul týraly Nur-Sultan qalasynyń Jumyspen qamtý jáne áleýmettik qorǵaý basqarmasynyń ókili Aigerim Qudaibergenova aitty.
«Eńbek jáne halyqty áleýmetti qorǵaý ministrliginiń usynymdaryna sáikes, ardagerler keńesiniń usynymy boiynsha Ekinshi dúniejúzilik soǵystaǵy Jeńis kúnine orai elimiz boiynsha jyl saiynǵy bir joldyq materialdyq kómektiń mólsherin biryńǵai deńgeide belgileý usynyldy. Osylaisha áleýmettik kómekti arttyrý mynandai sanattardy kózdeidi», - degen ákmidik ókili biyl tólenetin kómek úsh sanat boiynsha da birneshe ese artatynyn jetkizdi.
«Birinshi, jeńildikter boiynsha Ekinshi dúniejúzilik soǵys ardagerlerine 9 ailyq eseptik kórsetkishten 35 AEK-ke deiin ulǵaitýdy;
Ekinshi, basqa memleketterdiń aýmaǵyndaǵy urys qimyldarynyń ardagerlerine 9 AEK-ten 20 AEK-ke ulaǵaitýdy jáne de basqa sanattarǵa jatatyn Eńbek ardagerlerine 4,5 AEK-ten 11 AEK-ke deiin ulǵaitýdy usynamyz. Joǵaryda kórsetilgen áleýmettik kómekti iske asyrǵan jaǵdaida biyl qala biýdjetinen osy maqsattarǵa 127,5 mln teńge talap etiledi», - dedi Aigerim Qudaibergenova.
