Foto: Akorda.kz
Memleket basshysy Astana qalasynyń ákimi Jeńis Qasymbekti qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa elordanyń áleýmettik-ekonomikalyq jáne infraqurylymdyq damýy jóninde esep berildi.
Prezidentke barlyq negizgi ekonomikalyq kórsetkish boiynsha oń dinamika baiqalatyny jaiynda málimet berildi. Biylǵy 7 aida investitsiia kólemi 9,2 paiyzǵa ulǵaiyp, 678,5 milliard teńgege jetti. Jyl sońyna deiin jalpy somasy 87 milliard teńge bolatyn 25 investitsiialyq jobany iske qosý josparlanǵan. Onyń 15 jobasy óńdeý ónerkásibi salasynda júzege asyrylady.
Memleket basshysyna qalanyń tynys-tirshiligin qamtamasyz etetin nysandar qurylysynyń barysy týraly baiandaldy. Gazben jylytý stantsiialary men 3-JEO aldaǵy jylytý maýsymynda iske qosylady dep josparlanyp otyr. Olar saǵatyna 1100 Gkal jylý beredi. Bul elordada jylý energiiasyna degen suranysty artyǵymen qamtamasyz etýge yqpal etedi.
Budan bólek, qala ákimi áleýmettik nysandar salý (mektepter, jeńildikpen beriletin qoljetimdi turǵyn úiler, meditsinalyq ortalyqtar), uzaqqa sozylǵan qurylystardy aiaqtaý, apatty jaǵdaidaǵy jáne eski úilerdi buzý, turǵyn úi alaptaryn damytý, qalany abattandyrý jáne kógaldandyrý jaiynda aitty. Sondai-aq biylǵy oqý jylynda Astanada 11 mektep salynatynyn, onyń tórteýi qazir jumys istep jatqanyn jetkizdi. «Jaily mektep» ulttyq jobasy aiasynda 2024-2025 jyldary 90 myńǵa jýyq oqýshyǵa arnalǵan 24 mektep salynady. Onyń 15-i qarqyndy damyp kele jatqan Esil jáne Nura aýdandarynda boi kótermek.
Prezident Qasym-Jomart Toqaev qalanyń áleýmettik jáne injenerlik infraqurylymyn odan ári damytýǵa, jylytý maýsymyna daiyndyǵyna jáne abattandyrý jumystaryna qatysty birqatar tapsyrma berdi.
