Qazaqstan Respýblikasy Qorǵanys ministrligi Armiia ortalyq sport klýbynyń Almatydaǵy oqý-jattyǵý ortalyǵynyń bazasynda Aýǵan soǵysynyń ardageri Boris Kerimbaevtyń júldesi úshin jekpe-jek urysy boiynsha respýblikalyq týniri ótti.
Týrnir qorytyndysy boiynsha jalpy komandalyq esepte Shyǵys Qazaqstan oblysynyń «Patriot» áskeri-patriottyq klýby jeńimpaz atansa, Qostanai oblysynyń «Olimp» áskeri-patriottyq klýby ekinshi, Almaty oblysynyń «Jetisý tarlandary» áskeri-patriottyq klýby úshinshi oryndardy ilendi. Týrnirge QR Parlamenti Májilisiniń depýtaty, «Qazaqstan ardagerleri» Aýǵan soǵysy ardagerleri uiymy qaýymdastyǵynyń» tóraǵasy Baqytbek Smaǵul qonaq retinde qatysty.
Shara barysynda kúshtik ekstrim boiynsha tanymal álemdik rekordshy Sergei Tsyrýlnikov óner kórseti.
«Biz úshin Sport klýbynyń qabyrǵasynda Boris Kerimbaevtai keremet adamnyń júldesi úshin jarys ótkizý úlken qurmet. Boris Tókenuly árdaiym óziniń erekshe batyrlyǵymen, batyl nazarymen daralanyp turatyn tulǵa. Urys dalasynda áskeri tártip pen erejeni qatań saqtap, qarsylasty jeńýdi jaqsy túsine otyryp, sheshim qabyldaityn qasietimen ol úlken qurmetke bólengen adam. Ózine senip tapsyrylǵan bólimde alǵashqy kúnnen temirdei tártip pen komandir retinde ózin sózsiz moiyndata bilgen. Barlyq týrnirge qatysýylarǵa sol kisi siiaqty Otanymzdyń laiyqty qorǵaýshylary bolyńdar degen tilek aitamyn», - deidi QR QM AOSK basshysy podpolkovnik Rasýl Meiirmanov.
