2017 jylǵy 9-10 maýsym kúnderi Ulttyq ulan Bas qolbasshysynyń Bas júldesi úshin «Ońtústik» óńirlik qolbasshylyǵynda dástúrge ainalǵan óńirlik qolbasshylyq áskeri bólimderi arasynda áskeri orkestrlerdiń VI Halyqaralyq «Áskeri kernei» festivaline irikteý kezeńi ótti.
Baiqaý-konkýrstyń alǵashqy kúni Ulttyq ulan «Ońtústik» óńirlik qolbasshylyǵy áskeri bólimderiniń áskeri orkestrleri túrli janrdaǵy otandyq sazgerlerdiń halyqtyq, estradalyq jáne klassikalyq týyndylarymen birge sheteldik ataqty kompozitorlardyń da belgili shyǵarmalaryn oryndaýdan, qozǵalysta jaýyngerlik parad-defile kórsetýden jáne plats-kontsert berýden baq synasty.
Baiqaý-saiystyń ekinshi kúni óńirlik qolbasshylyq áskeri orkestrleri jáne Ulttyq ulannyń «General» mýzykalyq aspaptar toby Almaty qalasyndaǵy 28-gvardiiashy-panfilovshylar parkiniń «Máńgilik Dańq» memorialynyń aldynda plats-kontsert uiymdastyryp, qala turǵyndaryna erekshe kóńil-kúi syilady.
Otansúigishtik pen urpaqtar sabaqtastyǵy rýhynda órilgen plats-kontsert Ulttyq ulannyń 25 jyldyǵy jáne Astana qalasynda ótip jatqan Búkilálemdik EKSPO kórmesi aiasynda ótkizildi jáne ondaǵy óner týyndylarymen qatar, áskeri-qyzmetshilerdiń qoian-qoltyq urystan tanymdyq kórsetilimderi jiylǵan qaýym úshin birden-bir este qalarlyqtai dástúrli jarqyn kórsetilim boldy.
Atalǵan plats-kontsertti qala turǵyndarymen qatar Avstraliia memleketinen kelgen arnaiy qonaqtar da tamashalap, áskerilerdiń ónerine tánti bolyp, birqatary orkestrlermen qosylyp, birge bilep te jatty.
Eki kúnge sozylǵan dástúrli «Áskeri kernei» baiqaý-saiysynyń qorytyndysy boiynsha irikteý kezeńinde úzdik dep tanylǵan 5571 áskeri bóliminiń áskeri orkestri birinshi orynǵa ie bolyp, «Ońtústik» óńirlik qolbasshylyǵy qolbasshysynyń birinshi dárejeli diplomymen marapattaldy. Al ózderiniń keremet týyndylarymen áskeri qyzmetshiler men qala turǵyndaryn tánti etken Shymkent qalasyndaǵy 6506 áskeri bóliminiń orkestri ekinshi oryndy qanjyǵalaryna bailasa, Taraz qalasyndaǵy 5513 áskeri bóliminiń orkestri de úzdikter qatarynan tabylyp, júldeli úshinshi orynǵa ie boldy. Sonymen qatar saiysta 5571 áskeri bólimi orkestriniń oryndaýshy-solisi kishi serjant Ivan Martynenko «Úzdik oryndaýshy-solist» nominatsiiasynda úzdik dep tanylsa, «Úzdik aspapshy» nominatsiiasynda 5513 áskeri bólimi orkestriniń aspapshysy starshina Liýdmila Shalýnova top jardy.
Leitenant Ialkýn Azizov, 5571 áskeri bólimi áskeri orkestriniń dirijeri: «Biz bul saiysqa úlken daiyndyqpen keldik. Bul baiqaýda bastysy sinhrondy túrde saptyq óner kórsetý. Mýzykalyq aspaptarda saptyq tásilder men bileý arqyly mýzykalyq aspaptarda óner kórsetý úlken eńbekti talap etedi. Biz aldymyzǵa qoiylǵan maqsatqa jettik dep oilaimyz. Bul jerde orkestr quramynyń úzdiksiz tynbai eńbektengen qajyrly eńbegin atap ótkim kelip otyr. Búgingi saiysta biz túrli kompozitsiiadaǵy óner týyndylarymen qatar qazaqtyń «Sarjailaý» atty aitýly ánin júregimizben oryndap shyqtyq dep oilaimyn» - dedi.
Aldaǵy ýaqytta jeńimpaz dep tanylǵan 5571 áskeri bólimi orkestriniń dirijeri Ialkýn Azizov jetekshilik etetin orkestr ujymy Astana qalasynda Ulttyq ulan Bas qolbasshysynyń Bas júldesi úshin ótetin Halyqaralyq «Áskeri kernei» festivalinde «Ońtústik» óńirlik qolbasshylyǵynyń namysyn qorǵaityn bolady.
leitenant Aidos Baishaǵyrov,
Ulttyq ulannyń «Ońtústik» óńirlik qolbasshylyǵy
