Áskeri kafedraǵa túsýshiler úshin meditsinalyq komissiiadan ótý merzimi 10 qazanǵa deiin uzartyldy, dep habarlaidy "Ult aqparat".
Respýblikalyq joǵary oqý oryndarynda qazirgi tańda 35 áskeri kafedra jumys isteidi. Jyl saiyn 6 myńǵa jýyq zapastaǵy ofitser kafedra bitirip shyǵady.
«Qazirgi ýaqytta óńirlerdegi stýdentterdiń basym bóligi meditsinalyq kýálandyrýdan ótti. Nur-Sultan qalasynda qyrkúiek aiynyń alǵashqy kúnderinen bastap meditsinalyq komissiiadan 1000-nan astam kandidat stýdent ótken bolatyn. Joǵary oqý oryndarynyń áskeri kafedralaryna túsýge niet bildirýshilerdiń kóptep kelýin eskere otyryp, respýblika boiynsha meditsinalyq kýálandyrýdan ótý merzimi 2020 jylǵy 10 qazanǵa deiin uzartyldy», - dep habarlaidy Qorǵanys ministrliginen.
Eske sala keteiik, Qorǵanys ministrliginiń quzyretine reglamenttik rásimder kirmeidi. Meditsinalyq komissiialardyń ornalasqan jeri, olardyń quramy men jumys kestesi jergilikti atqarýshy organdardyń sheshimderimen aiqyndalǵan. Ákimdikterdiń sheshimi boiynsha meditsinalyq tekserý kún saiyn saǵat 14-ten 18-ge deiin júrgiziledi.
