Astanada 23 jastaǵy er adam alaiaqtyq jasap, kórineý jalǵan aqparat taratqany úshin 3 jylǵa bas bostandyǵynan airyldy, dep habarlaidy ult.kz.
IIM málimetinshe, ol Threads áleýmettik jelisinde ózin áskerde qyzmet etý kezinde jynystyq sipattaǵy zorlyq-zombylyqqa ushyradym dep jalǵan málimdep, shetelge ketý úshin qarjylai kómek suraǵan. Tergeý barysynda onyń eshqashan áskeri qyzmet ótemegeni, al jariialaǵan oqiǵany jurttyń senimine kirip, aqsha jinaý maqsatynda oidan shyǵarǵany anyqtalǵan.
Belgili bolǵandai, jariialanym shyqqannan keiin eki kún ishinde kórsetilgen bank shotyna kóptegen aqshalai aýdarym túsken.
Eske salaiyq, biyl naýryz aiynda politsiia osy jazbanyń avtoryn ustaǵan bolatyn. Tergeý barysynda onyń áskerdegi zorlyq týraly aitqan málimetteri rastalmai, keiin oǵan qatysty qylmystyq is qozǵalǵan.
