QR Premer-Ministri Asqar Mamin Túrkiia Respýblikasyna jumys sapary aiasynda Prezident Rejep Taiyp Erdoǵanmen jáne Vitse-prezident Fýat Oktaimen kelissózder ótkizdi. Sondai-aq Qazaqstan–Túrkiia úkimetaralyq ekonomikalyq komissiiasynyń HI otyrysyna, ekijaqty biznes-forýmnyń ashylýyna jáne túrik biznesiniń kapitandarymen kezdesýge qatysty, dep habarlaidy "Ult aqparat" primeminister.kz saityna silteme jasap.
«Elderimiz arasyndaǵy yntymaqtastyq barlyq salada qarqyndy túrde damyp jatyr, ekijaqty qatynastardy sapaly jańa deńgeige shyǵarýdyń negizi salyndy. Qazaqstannyń Tuńǵysh Prezidenti – Elbasy N. Nazarbaev pen Memleket basshysy Q. Toqaev Túrkiiany Qazaqstannyń mańyzdy ári strategiialyq seriktesteriniń biri retinde qarastyrady», — dedi A. Mamin Ankara qalasynda R. Erdoǵanmen kezdesýde.
Qazaqstanda túrik kapitalynyń qatysýymen 4200-den astam kompaniia tirkelgen. Olar energetika, kólik, agroónerkásip, mashina jasaý sektorlarynda, infraqurylymdyq qurylysta jáne basqa da salalarda qyzmet kórsetedi. Osy jyldyń 9 aiynyń qorytyndysy boiynsha ekijaqty taýar ainalymy 2,3 mlrd dollarǵa jetti. Bul, 2018 jyldyń sáikes kezeńindegi kórsetkishten 68% artyq. Osy jyldyń sońyna qarai ekijaqty saýda-sattyq kólemi 3 mlrd dollardan asady dep kúlitýde. Qazirgi kezde túrik tarapymen birlesip pysyqtalyp jáne iske asyrylyp jatqan investitsiialyq jobalar pýly 6 mlrd dollardan asady.
Kelissózder barysynda saýda-ekonomikalyq, investitsiialyq, kólik-logistika, aýyl sharýashylyǵy jáne basqa da salalardaǵy yntymaqtastyqty odan ári damytý máseleleri talqylandy.
A. Mamin QR Tuńǵysh Prezidenti – Elbasy N. Nazarbaevtyń monýmentine baryp, Atatúrik kesenesine gúl shoǵyn qoidy jáne R. Erdoǵanmen birge Túrkiiada ótkizilip jatqan «Bolashaqqa tynys ber» ekologiialyq naýqany aiasynda aǵashtar otyrǵyzdy. Sonymen qatar, Úkimet basshysy TR Saýda-ónerkásip palatasynyń jumysymen tanysty, onyń ishinde Túrkiianyń memlekettik organdaryn tsifrlandyrý jumystary da bar.
QR Premer-Ministri A. Mamin Túrkiianyń Vitse-prezidenti F. Oktaimen Ystanbulda Qazaqstan–Túrkiia úkimetaralyq ekonomikalyq komissiiasynyń HI otyrysyna qatysty.
Shara qorytyndysy boiynsha saýda jáne investitsiialar, ónerkásip, kólik, bilim berý, densaýlyq saqtaý, týrizm tárizdi jáne taǵy da basqa salalarda 65 pýnktten turatyn Birlesken is-qimyldar jospary qabyldandy. Budan ózge, halyqaralyq aralas júkterdi tasymaldaý týraly úkimetaralyq kelisimge, 2019-2021 jyldarǵa arnalǵan «Jańa sinergiia» birlesken ekonomikalyq baǵdarlamasy boiynsha is-qimyldar hattamasyna, sondai-aq, QR Saýda jáne integratsiia ministrligi men TR Saýda ministrligi arasyndaǵy «halal» sanatyndaǵy ónimder boiynsha yntymaqtastyqty damytýǵa baǵyttalǵan ózara túsinistik týraly memorandýmǵa qol qoiyldy.
A. Mamin men F. Oktai 500-ge jýyq túrik jáne 100 qazaqstandyq iskerlik orta ókilderiniń qatysýymen Qazaqstan–Túrkiia biznes-forýmyn ashty. Forým aiasynda infraqurylym, indýstriia, kólik-logistika salalarynda, densaýlyq saqtaýda, qarjy naryǵyn damytýda, memlekettik-jekeshelik áriptestikte tájiribemen almasý jáne ózge salalarda birlesken jobalardy iske asyrýdy qarastyratyn, jalpy 1,5 mlrd dollar somasyna 18 qujatqa qol qoiyldy.
Atap aitqanda, Qazaqstanda qatparkarton qaptama, lak-boiaý ónimderi óndiristerin, «Aqtóbe–Gebze» indýstriialyq aimaǵyn ashý, Túrkistan qalasyn infraqurylymdyq damytý, sondai-aq, Almaty men Qaraǵandyda ýniversitettik klinikalar salý, Kókshetaý, Qyzylorda, Aqtaý, Atyraý, Aqtóbe, Tarazda kópbeiindi aýrýhanalar salý, Shymkent pen Aqtóbede diagnostikalyq ortalyqtar salý týraly ýaǵdalastyqtarǵa qol jetkizildi.
Qazaqstan Premer-Ministri Túrkiianyń 41 iri kompaniiasynyń basshylarymen – QR ekonomikasynyń qazirgi jáne áleýetti investorlarymen kezdesti. Asqar Mamin túrik biznesiniń kapitandarymen ekijaqty kelissózder, sonymen qatar, «dóńgelek ústel» formatynda ortaq kezdesý ótkizdi. Úkimet basshysy túrik biznesmenderin Túrkistan qalasynyń túrki áleminiń mádeni-rýhani ortalyǵy retinde jańǵyrýy men damýyna úles qosýǵa shaqyrdy.
Túrkiiaǵa sapary aiasynda A. Mamin Qaiseri qalasyna baryp, onda 2018 jyldan bastap qyzmet kórsetetin, memlekettik-jekeshelik áriptestik modeli boiynsha júzege asyrylǵan Túrkiianyń densaýlyq saqtaý salasyndaǵy alǵashqy jobasyna ainalǵan qalalyq aýrýhana qyzmetimen tanysty.
