QR Premer-ministri Asqar Mamin aýyldardy sýmen jabdyqtaý úshin birqatar tapsyrma berdi, dep habarlaidy QazAqparat.
«Mynadai máselelerge nazarlaryńyzdy aýdarǵym keledi. Birinshi, ortalyq jáne jergilikti memlekettik organdar aýyldyq eldi mekenderdi aýyzsýmen qamtamasyz etý jáne biylǵy jyl qorytyndysy boiynsha josparly kórsetkishterge qol jetkizý boiynsha barlyq qajetti sharalardy qabyldasyn. Ekinshi, Ulttyq ekonomika ministrligi Indýstriia, Ekologiia ministrlikterimen jáne ákimdiktermen birlesip, sý paidalanýda tsifrlyq tehnologiialardy engizýdi qosa alǵanda, qajetti investitsiialyq shyǵyndardy eskerip, sý boiynsha tariftik saiasatty jetildirý máselesin pysyqtasyn», - dedi Asqar Mamin Úkimettiń búgingi otyrysynda.
Sonymen birge, Úkimet basshysy Indýstriia ministrligine ákimdiktermen birlesip, aýyldarda sýmen jabdyqtaý obektilerin salý kezinde baqylaýdy kúsheitýdi tapsyrdy.
«Jáne Indýstriia ministrligi eldi mekenderdi sýmen jabdyqtaýdyń interaktivti kartasyn jańartsyn, oǵan tutynýshylarmen keri bailanys fýnktsiiasyn qossyn», - dedi Mamin.
