QR Premer-Ministri Asqar Mamin Qazaqstanǵa jumys saparymen kelgen Ózbekstan Respýblikasynyń Premer-Ministri Abdýlla Aripovpen kelissóz júrgizdi, dep habarlaidy "Ult aqparat".
Úkimet basshylary saýda-ekonomikalyq, investitsiialyq, aýyl sharýashylyǵy, energetikalyq, kólik-logistikalyq yntymaqtastyqtyń, ónerkásiptik kooperatsiianyń, sondai-aq aimaqaralyq jáne shekara mańyndaǵy ózara is-qimyldyń ózekti máselelerin talqylady. Qazaqstan-Ózbekstan shekarasyndaǵy «Ortalyq Aziia» Halyqaralyq saýda-ekonomikalyq yntymaqtastyq ortalyǵynyń (HSEYO) qyzmetin uiymdastyrý jónindegi Is-sharalar josparyn júzege asyrýdy jedeldetýge erekshe nazar aýdaryldy.
Transshekaralyq sý resýrstaryn utymdy paidalaný jáne qorǵaý salasyndaǵy ózara is-qimyldy, onyń ishinde Qyrǵyzstan men Tájikstan jiberetin sýdy Ózbekstan aýmaǵy arqyly Túrkistan jáne Qyzylorda oblystarynyń muqtajdyqtary úshin kedergisiz tranzitteýdi damytý máseleleri qaraldy. Qazaqstan men Ózbekstan arasyndaǵy tabysty ónerkásiptik kooperatsiianyń bir mysaly birlesken jobalar – Qostanai qalasyndaǵy «Chevrolet» markaly avtomobilder óndirisi, Túrkistan qalasyndaǵy tigin fabrikasy, Shymkent qalasyndaǵy toqyma fabrikasy jáne t. b. bolyp tabylady. Qazirgi ýaqytta meditsinalyq buiymdar (Shymkent q.), avtoklavty gazobeton (Tashkent oblysy), «SAZ» markaly avtobýstar (Qostanai q.), «HOWO» júk avtomobilderi (Saran q.), «Hyundai» markaly avtomobilderdi qurastyrý (Úrgenish q.), as úi plitalary men sý jylytqyshtar (Túrkistan q.) óndirisi siiaqty birlesken jobalar iske asyrylýda.
Eki el arasyndaǵy áýe qatynasyn keńeitý aiasynda a.j. 8 maýsymnan bastap «Ózbek áýe jelisi» Almaty men Samarqand qalalary arasynda jolaýshylar áýe tasymalyn bastaidy, al biylǵy 21 maýsymda «Fly Arystan» qazaqstandyq kompaniiasy «Túrkistan – Tashkent» baǵyty boiynsha turaqty reister ashady. Ózbekstan — Qazaqstannyń Ortalyq Aziia óńirindegi negizgi saýda seriktesi — ÓR úlesi QR-nyń Ortalyq Aziia elderimen syrtqy saýdasynyń 65%-ǵa jýyǵyn quraidy. 2021 jylǵy qańtar-sáýirde ekijaqty taýar ainalymy $1,2 mlrd qurady, bul ótken jyldyń sáikes kezeńindegi kórsetkishten 41,3%-ǵa jáne 2019 jyldyń alǵashqy tórt aiynyń kórsetkishinen 33,3%-ǵa joǵary. 2020 jyly Ózbekstanda qazaqstandyq kapitaldyń qatysýymen kásiporyndar sany 809-dan 919 kompaniiaǵa deiin ósti. Qazaqstanda ózbek kapitalynyń qatysýymen kásiporyndar sany 1231-ge jetti.
Kelissóz qorytyndysy boiynsha A. Mamin men A. Aripov saýda-ekonomikalyq qatynastardy damytý, tájiribe almasý jáne birlesken taýar ótkizý júiesin qalyptastyrýdaǵy yntymaqtastyq týraly vedomstvoaralyq kelisimderge qol qoidy.
