QR Premer-Ministri Asqar Mamin men QR Prezidenti Ákimshiliginiń basshysy Erlan Qoshanov Mańǵystaý oblystyq máslihatynyń kezekten tys sessiiasyna qatysty, onda óńir ákimi laýazymyna Memleket basshysy Qasym-Jomart Toqaev usynǵan Nurlan Noǵaevtyń kandidatýrasyna biraýyzdan qoldaý bildirildi, dep habarlaidy "Ult aqparat" primeminister.kz silteme jasap.
Mańǵystaý oblysynyń aktivimen ótken keńeste A. Mamin Serikbai Trumovtyń óńirdi damytýǵa qosqan úlesin atap ótip, oblys basshysy laýazymynda atqarǵan jumysy úshin alǵys aitty
Jańa ákimdi tanystyra otyryp, Úkimet basshysy onyń óńirlik jáne respýblikalyq deńgeidegi basshylyq laýazymdarda atqarǵan mol eńbek tájiribesin atap ótti.
«Jańa ákimniń aldyna óńirdiń keshendi áleýmettik-ekonomikalyq damýy boiynsha mańyzdy mindetter qoiyldy. Memleket basshysy Qasym-Jomart Toqaev Mańǵystaý oblysynyń damýyna erekshe kóńil bóledi. Óńir ónerkásip, energetika, kólik-logistika jáne týristik salalarda zor áleýetke ie», - dedi Mamin.
Premer-Ministr investitsiialar tartý, jańa jumys oryndaryn qurý, kásipkerlikti qoldaý, halyqtyń turmys sapasyn jaqsartý jáne tabysyn arttyrý jónindegi mindetterdi sheshýdiń mańyzdylyǵyn atap ótti.
