QR Premer-Ministri Asqar Mamin «Arcelor Mittal» atqarýshy tóraǵasy Lakshmi Mittalmen kezdesý ótkizdi, dep habarlaidy "Ult aqparat" Úkimettiń resmi saityna silteme jasap.
Lakshmi Mittal Úkimet basshysyna kompaniianyń Qazaqstandaǵy qyzmetin odan ári damytý josparlaryn tanystyrdy.
A. Mamin tirshilikti qamtamasyz etý boiynsha óndiris pen infraqurylymdy jańǵyrtý, zamanaýi ekologiialyq taza tehnologiialardy engizý, áleýmettik jobalardy iske asyrý, densaýlyq saqtaý jáne eńbek qaýipsizdigi salalarynda joǵary standarttardyń saqtalýyn qamtamasyz etý jónindegi «Arcelor Mittal» is-sharalaryn ótkizýdiń mańyzdylyǵyn atap ótti.
«Arselor Mittal Temirtaý» AQ – Qaraǵandy oblysyndaǵy iri metallýrgiialyq kásiporyn. 30 myńnan astam qazaqstandyq kompaniianyń metallýrgiia, kómir jáne temir keni bólimshelerinde jumys isteidi. Kásiporyn ónimderiniń 80%-ǵa jýyǵy álemniń 75 eline eksporttalady.
Kezdesýge QR Premer-Ministriniń orynbasary Roman Skliar, Qaraǵandy oblysynyń ákimi Jeńis Qasymbek, indýstriia jáne infraqurylymdyq damý ministri Beibit Atamqulov, ekologiia, geologiia jáne tabiǵi resýrstar ministri Maǵzum Myrzaǵaliev, sondai-aq QR Qarjy ministrliginiń Memlekettik kirister komitetiniń tóraǵasy Marat Sultanǵaziev qatysty.
