QR Premer-Ministri Asqar Maminniń tóraǵalyǵymen Kólik jónindegi keńestiń alǵashqy otyrysy ótti, dep habarlaidy "Ult aqparat" Úkimet basshysynyń resmi saityna silteme jasap.
«Elimizdiń tranzittik-kólik áleýetin damytý máseleleri – Úkimet jumysynyń asa mańyzdy baǵyty. Kólik salasy Qazaqstannyń ekonomikalyq ósiminiń draiverleriniń biri jáne damýdyń úlken áleketine ie. Osyǵan bailanysty Kólik jónindegi keńesti qurý týraly sheshim qabyldandy», — dedi A. Mamin.
Úkimet basshysy kólik sektory Qazaqstannyń JIÓ 8,2% quraitynyn atap ótti. 2019 jyldyń qorytyndysy boiynsha sala ósiminiń qarqyny 5,1% qurady, al jumyspen qamtylǵan qyzmetkerler sany 640 myń adamnan asady.
Kólik jónindegi keńes Qazaqstannyń kólik salasyn jáne tranzittik áleýetin damytýdyń ózekti máselelerin, óńirlik kólik-logistikalyq habty qurý, turǵyndardyń mobildiligin arttyrý, el aýmaǵy boiynsha júkterdiń jetkizilý merzimin qysqartý t. b. mindetterdi qarastyrady.
Keńes quramyna QR memlekettik organdarynyń jáne kólik salasyndaǵy iri kompaniialardyń basshylary kirdi.
