QR Premer-Ministri Asqar Maminniń tóraǵalyǵymen ótken Eýraziialyq damý banki (EADB) keńesiniń otyrysynda EADB-nyń 2022-2026 jyldarǵa arnalǵan strategiiasy bekitildi, dep habarlaidy "Ult aqparat" Úkimet basshysynyń baspasóz qyzmetine silteme jasap.
Aldaǵy kezeńde EADB integratsiialyq tiimdiligi bar transshekaralyq investitsiialyq jobalardy iske asyrýǵa nazar aýdarady. Bes jyldyq kezeńde bank investitsiialarynyń jiyntyq kólemi $10,9 mlrd quraidy. EADB-nyń kúsh-jigeri «Eýropa-Batys Qytai» kólik-tsifrlyq dálizi, EAEO+ biryńǵai taýar ótkizý jelisi jáne Ortalyq Aziianyń sý-energetika kesheni siiaqty iri investitsiialyq jobalardy iske asyrýǵa baǵyttalatyn bolady.
Aimaqtyń makroekonomikalyq sipattamalaryn eskere otyryp, bankke qatysýshy elderdiń árqaisysy boiynsha jekelegen strategiia ázirleý josparlanýda. Turaqty damý maqsattaryna qol jetkizý maqsatynda EADB Armeniia, Qyrǵyzstan jáne Tájikstandaǵy investitsiialardyń jiyntyq mólsherin $500 mln deiin jetkize otyryp, minoritarlyq aktsionerler elderindegi jobalaý qyzmetin keńeitedi.
EADB jumysynyń basym baǵyttarynyń biri EAEO+ biryńǵai tsifrlyq keńistigin qalyptastyrý sheńberinde tsifrlyq quzyretter men infraqurylymdy odan ári damytý bolady. Qoiylǵan mindetterdi iske asyrý úshin 2020 jylǵy maýsymda bankte Tsifrlyq bastamalar qory quryldy, ol qazirgi ýaqytta 20-ǵa jýyq jobany pysyqtaýda. Qordyń alǵashqy iske asyrylǵan jobasy kelýshilerdiń PTR-testileýi týraly derekterdi memleketaralyq deńgeide verifikatsiialaýǵa arnalǵan «COVID-19-syz saiahat» mobildi qosymshasy boldy. 2027 jylǵa qarai EADB ulttyq jáne halyqaralyq damý institýttarynyń qatysýymen aimaqta jańa jobalardy qarjylandyrý, qurylymdaý jáne uiymdastyrý boiynsha kóshbasshy bolýǵa nietti.
Bul rette A sanatyndaǵy kredittik reiting alý úshin aktsionerler quramyn keńeitý jáne bank kapitalyna qosymsha qarajat tartý josparlanýda. 2020 jyly EADB 18 jańa joba boiynsha $1,336 mlrd-qa kelisimge qol qoidy. Banktiń aǵymdaǵy investitsiialyq portfeli onyń qyzmet etken barlyq jyldaryndaǵy eń joǵarǵy mánge – $4,4 mlrd-qa deiin ulǵaidy. Bul rette integratsiialyq áseri bar jobalardyń úlesi 64,3% qurady. 2020 jyly taza paida $32,6 mln qurady. Banktiń qarjylyq turaqtylyǵy Moody's – Baa1, Fitch – BBB+, Standard & Poor's – VVV, AKRA – A- reiting agenttikteriniń joǵary baǵalarymen rastalady. Ulttyq shkala boiynsha reitingter: Fitch – AAA (KAZ), AKRA – AAA (RU).
EADB «jasyl ekonomikany» damytýdy qoldaýǵa erekshe nazar aýdarady – jańartylatyn energiia kózderi salasyndaǵy jańa jobalardy qarjylandyrý qamtamasyz etildi, «Astana» halyqaralyq qarjy ortalyǵy janyndaǵy jasyl qarjy ortalyǵynyń jarǵylyq kapitalyndaǵy úlesi satyp alyndy, osy salada BUU uiymdarymen birlesip belsendi jumys júrgizilýde.
Qatysýshy elderdiń ulttyq bankterindegi EADB korrespondenttik shottary arqyly ulttyq valiýtalarda transshekaralyq tólemderdi júzege asyrýǵa múmkindik beretin banktiń esep aiyrysý-tólem júiesi tabysty jumys isteýde.
