QR Premer-Ministri Asqar Mamin investitsiialyq yntymaqtastyqty odan ári damytý jónindegi Dialog alańy aiasynda Qazaqstanda tirkelgen Eýropalyq Odaqqa múshe memleketterdiń diplomatiialyq missiialarynyń basshylarymen kezekti kezdesýin ótkizdi.
Bul týraly "Ult aqparat" QR Úkimetiniń baspasóz qyzmetine silteme jasap habarlaidy.
Taraptar saýda-ekonomikalyq jáne investitsiialyq ózara is-qimyldyń ózekti máseleleri boiynsha birinshi kezdesýden keiin úsh ai ishinde atqarylǵan jumystardyń nátijelerin, sonyń ishinde qazaqstandyq ónimderdiń EO-ǵa eksportyn ilgeriletý, aýyl sharýashylyǵy, energetika, kólik, keden, qorshaǵan orta jáne klimattyń ózgerýi salalaryndaǵy yntymaqtastyq máselelerin, QR-daǵy investitsiialyq ahýaldy jetildirý jónindegi zańnamalyq sharalardy, sondai-aq osy jyldyń 30 qyrkúieginde ótken saýda konfigýratsiiasyndaǵy «Qazaqstan – EO» yntymaqtastyq komitetiniń 3-otyrysynyń nátijelerin talqylady.
QR Premer-Ministri Asqar Mamin Tuńǵysh Prezident – Elbasy Nursultan Nazarbaev pen Memleket basshysy Qasym-Jomart Toqaev QR-nyń mańyzdy saýda-ekonomikalyq seriktesteriniń biri sanalatyn Eýropalyq Odaq elderimen yntymaqtastyqqa úlken kóńil bóletinin atap ótti.
Eýropalyq Odaq elderine Qazaqstanǵa salynǵan tikelei sheteldik investitsiialardyń jartysynan kóbi tiesili. 2005 jyldan bastap 2019 jyldyń birinshi jarty jyldyǵyna deiin EO shamamen $150 mlrd investitsiia saldy. EO sonymen birge Qazaqstan Respýblikasynyń eń iri saýda seriktesi bolyp tabylady – 2019 jyldyń shildesindegi jaǵdai boiynsha taýarlar men qyzmetterdiń ekijaqty ainalymy shamamen $20 mlrd jetti.
«Eýropalyq Odaq sarapshylarynyń qosqan úlesteri basqarý, jekeshelendirý, tsifrlandyrý, memlekettik-jekemenshik áriptestik, turaqty damý salalaryndaǵy keibir negizgi strategiialarymyz ben qujattarymyzdy ázirleý jáne iske asyrý úshin mańyzdy boldy. Olar Qazaqstan ekonomikasynyń ósýine jáne el halqynyń ál-aýqatyn jaqsartýda úlken ról atqarady», - dedi A. Mamin.
Premer-Ministr tikelei sheteldik investitsiialar men saýda kóleminiń ósýin qamtamasyz etý Qazaqstan Úkimetiniń jumysynyń basym baǵyttarynyń biri ekenin atap aitty. Asqar Mamin Eýropalyq Odaq elshilerin Qazaqstannyń EO-men ekonomikalyq yntymaqtastyǵyna yqpaldasý boiynsha budan ári ashyq ári belsendi dialogqa shaqyrdy.
«Bizdiń bolashaqtaǵy kún tártibin jańa betalystarǵa ikemdirek etip, týyndaǵan syn-tegerýinder men múmkindikterge jaqsyraq ún qatýǵa jol ashatyn usynymdarmen jumys isteýimiz kerek», - dedi Úkimet basshysy.
Óz kezeginde diplomatiialyq missiialardyń basshylary Qazaqstanda biznesti júrgizý úshin qolaily jaǵdailar týdyrý boiynsha jumystardyń oń dinamikasyn atap ótti.
QR-daǵy EO Ókildiginiń basshysy Sven-Olov Karlsson QR Úkimetiniń investitsiialyq ahýaldy jetildirý boiynsha jasap jatqan belsendi umtylystary Qazaqstan men Eýropalyq Odaq elderiniń saýda-ekonomikalyq jáne investitsiialyq yntymaqtastyǵynyń damýyna qosymsha serpin beretinine senim bildirdi.
Talqylaýǵa EO saýda-sattyq jónindegi Bas Direktoratynyń Ortalyq Aziia, Resei, TMD, Ýkraina, Batys Balqan men Túrkiia boiynsha bólim basshysy Petros Sýrmelis, Germaniia, Frantsiia, Niderlandy, Polsha, Avstriia, Ispaniia, Estoniia, Italiia, Latviia, Grekiia, Ispaniia, Horvatiia, Rýmyniia, Slovakiia, Vengriia elshileri, Litva, Portýgaliia, Bolgariia, Finliandiia, Belgiia, Chehiia ókilderi, álemdik iri kompaniialardyń basshylary, ókilderi qatysty.
