Otyrysqa «Atameken» UKP tóralqa tóraǵasy Timýr Qulybaev, Úkimet músheleri, óńirlerdiń ákimderi, «Samuryq-Qazyna» UÁQ» AQ, damý institýttarynyń, Qazaqstan qarjygerleri qaýymdastyǵynyń, óńirlik kásipkerler palatalarynyń basshylyǵy jáne t. b. qatysty. Úkimet maquldaǵan kásipkerlikti memlekettik qoldaý sharalary týraly ulttyq ekonomika ministri Áset Erǵaliev, biznestiń júieli syn-tegeýrinderi, jeńildikpen nesie berý, mikroqarjy uiymdary institýttaryn, áleýmettik-kásipkerlik korporatsiialaryn damytý, óńirlerdegi ShOB-ty damytý áleýeti, memlekettik satyp alýdaǵy jergilikti qamtý, «Samuryq-Qazyna» UÁQ» AQ jáne jer qoinaýyn paidalanýshylardyń satyp alýlary týraly «Atameken» UKP basqarma tóraǵasy Abylai Myrzahmetov, Básekelestikti qorǵaý jáne damytý agenttiginiń tóraǵasy Serik Jumanǵarin, saýda jáne integratsiia ministri Baqyt Sultanov baiandady. «Atameken» UKP tóralqa tóraǵasy T. Qulybaev biylǵy 11-12 naýryzda ekonomikanyń neǵurlym zardap shekken salalaryndaǵy biznes ókilderimen ótken qosymsha kezdesýlerdiń qorytyndysy boiynsha kásipkerlikti damytýdyń 59 júieli salalyq máselesi aiqyndalǵanyn atap ótti.
«Atameken» UKP usynǵan málimetter negizinde Premer-Ministr memlekettik organdar men uiymdarǵa jeke sektordy qoldaýdyń qosymsha sharalaryn, onyń ishinde ShOB-tyń kreditteýge qoljetimdiligin odan ári keńeitý, bizneske retteýshilik jáne fiskaldyq júktemeni tómendetý, otandyq óndirýshilerdiń memlekettik satyp alýlarǵa, offteik-kelisimsharttardy qoldanýdy keńeitýdi qosa alǵanda, jer qoinaýyn paidalanýshylardyń jáne «Samuryq-Qazyna» UÁQ» AQ-nyń satyp alýlaryna qatysý áleýetin damytý arqyly qaraýdy tapsyrdy. Pysyqtalyp jatqan sharalar aiasynda óńirlerde aýyl sharýashylyǵy ónimin óndirý jáne qaita óńdeý sharttaryndaǵy aiyrmashylyqty eskere otyryp, AÓK-te sýbsidiialaý júiesi jetildiriledi, sondai-aq aýyl sharýashylyǵy taýaryn óndirýshiler úshin qarjylandyrýdyń qoljetimdiligi artady. Úkimet basshysy retteletin satyp alýlardaǵy jergilikti qamtýdy baqylaýdy, óńirlerdiń ekonomikalyq kartasyn ýaqytyly ári sapaly toltyrýdy qamtamasyz etýdi, otandyq kásiporyndardyń óndiristik qýattaryn júkteý maqsatynda olardy pasporttaýdy aiaqtaýdy jáne mikroqarjy uiymdaryn qurýdy jedeldetýdi tapsyrdy. «Bizdiń mindetimiz – biznesti júrgizýge qajetti jaǵdailardy jetildirý jáne kásipkerlik salasyndaǵy ózekti máselelerdi jedel sheshý», — dedi A. Mamin.
2021 jyly «Qarapaiym zattar ekonomikasy», «BJK-2025», «Eńbek», «Jumyspen qamtýdyń jol kartasy» baǵdarlamalary jáne Ulttyq banktiń ainalym qarajatyn tolyqtyrýǵa nesielendirý baǵdarlamasy aiasynda biznesti qoldaýǵa 703 mlrd teńge qarajat qarastyrylǵan.
