Búgin elimizdiń Premer-Ministri Asqar Mamin Arys qalasyna is-saparmen kelip, jóndeý jumystary aiaqtalǵan nysandardy aralap kórdi.
Úkimet basshysy jańadan salynǵan turǵyn úilerdiń qurylysymen tanysyp, atqarylǵan jumystarǵa baǵasyn berdi, dep habarlaidy "Ult aqparat".
Arysqa kelgen Asqar Mamin aldymen qalaǵa kire beriste jańadan boi kótergen turǵyn úilerdiń qurylysymen tanysty. Baspanalardyń ishin kórip, qurylysshylarmen sóilesti. Bolat Ótemuratov qorynyń demeýshiligimen salynyp jatqan 50 úi 100 otbasyǵa laiyqtalǵan. Qazirgi tańda turǵyn úilerdiń 10-y iaǵni 20 páterdiń qurylys jumystary tolyǵymen aiaqtalǵan.
Merdiger kompaniia basshylyǵynyń aitýynsha, turǵyn úilerge ishinara turmysmtyq tehnika men jihazdar qoiylǵan. Jobanyń jalpy quny 80 mln teńgeni qurasa, bir úidi salý 16,5 mln teńgege túsken.
«Baspanalarǵa sý men jaryq kirgizilgen. 45 úidiń irgetasy qalanyp, qoiylǵan. 38 úidiń shatyry jabylyp, taǵy 5 úidiń qabyrǵasy qalandy. 25-shi qyrkúiek kúni taǵy 10 úidiń qurylysyn aiaqtaýdy josparlap otyrmyz. Al, jalpy 25-shi qazanda barlyq úidi turǵyndarǵa tapsyramyz degen oidamyz», - deidi merdiger kompaniianyń direktory Avaz Bakiev.
