بٷگٸن ەلٸمٸزدٸڭ پرەمەر-مينيسترٸ اسقار مامين ارىس قالاسىنا ٸس-ساپارمەن كەلٸپ, جٶندەۋ جۇمىستارى اياقتالعان نىسانداردى ارالاپ كٶردٸ.
ٷكٸمەت باسشىسى جاڭادان سالىنعان تۇرعىن ٷيلەردٸڭ قۇرىلىسىمەن تانىسىپ, اتقارىلعان جۇمىستارعا باعاسىن بەردٸ, دەپ حابارلايدى "ۇلت اقپارات".
ارىسقا كەلگەن اسقار مامين الدىمەن قالاعا كٸرە بەرٸستە جاڭادان بوي كٶتەرگەن تۇرعىن ٷيلەردٸڭ قۇرىلىسىمەن تانىستى. باسپانالاردىڭ ٸشٸن كٶرٸپ, قۇرىلىسشىلارمەن سٶيلەستٸ. بولات ٶتەمۇراتوۆ قورىنىڭ دەمەۋشٸلٸگٸمەن سالىنىپ جاتقان 50 ٷي 100 وتباسىعا لايىقتالعان. قازٸرگٸ تاڭدا تۇرعىن ٷيلەردٸڭ 10-ى ياعني 20 پەتەردٸڭ قۇرىلىس جۇمىستارى تولىعىمەن اياقتالعان.
مەردٸگەر كومپانييا باسشىلىعىنىڭ ايتۋىنشا, تۇرعىن ٷيلەرگە ٸشٸنارا تۇرمىسمتىق تەحنيكا مەن جيھازدار قويىلعان. جوبانىڭ جالپى قۇنى 80 ملن تەڭگەنٸ قۇراسا, بٸر ٷيدٸ سالۋ 16,5 ملن تەڭگەگە تٷسكەن.
«باسپانالارعا سۋ مەن جارىق كٸرگٸزٸلگەن. 45 ٷيدٸڭ ٸرگەتاسى قالانىپ, قويىلعان. 38 ٷيدٸڭ شاتىرى جابىلىپ, تاعى 5 ٷيدٸڭ قابىرعاسى قالاندى. 25-شٸ قىركٷيەك كٷنٸ تاعى 10 ٷيدٸڭ قۇرىلىسىن اياقتاۋدى جوسپارلاپ وتىرمىز. ال, جالپى 25-شٸ قازاندا بارلىق ٷيدٸ تۇرعىندارعا تاپسىرامىز دەگەن ويدامىز», - دەيدٸ مەردٸگەر كومپانييانىڭ ديرەكتورى اۆاز باكيەۆ.
