Aqtóbege kelgen Úkimet basshysy Asqar Mamin jol qurylysy josparymen tanysty, dep habarlaidy "Ult aqparat".
Aqtóbe qalasynda 2011 jyldan bastap ainalma joldar salynyp jatyr. Soltústik ainalma jol 2011-2013 jyldar aralyǵynda salynyp, qoldanysqa berildi. Al Ońtústik ainalma joldyń jumystary 2014 jyldan beri jalǵasyp keledi.
«Ońtústik ainalma jolynyń uzyndyǵy 35 shaqyrymdy quraidy. Aldymen 21 shaqyrym jol salyndy. Ekinshi kezeńde kópir qurylysy da bar. 2020-2021 jyldary aiaqtaý josparda bar. Aqtóbe qalasyn ainalyp ótýge múmkindik beretin joldy tolyq aiaqtaý úshin taǵy 2,8 milliard teńge qajet. Úkimetten qarjylyq qoldaý suraimyz», - dedi Aqtóbe oblystyq jolaýshylar kóligi jáne avtomobil joldary basqarmasynyń basshysy Málimbet Ibrashev.
Al Aqtóbe-Orsk tasjolynyń 16 shaqyrymyna jóndeý qajet bolsa, biyl 8 shaqyrymy qoldanysqa beriledi. Kelesi jyly jumysty aiaqtaý úshin respýblikalyq biýdjetten 500 million teńge qarjy suraldy.
Aita keteiik, Aqtóbede Batys ainalma joly da daiyndalyp jatyr. Úshinshi ainalma joldyń tehnikalyq-ekonomikalyq negizdemesi daiyndalyp, memlekettik saraptamaǵa jiberildi.
Premer-Ministr kópir qurylysymen tanysyp, qarjy jaiyn da surady.
Eske salsaq, Aqtóbege Úkimet basshysy jumys saparymen kelip, turǵyn úi qurylysymen tanysty.
