اقتٶبەگە كەلگەن ٷكٸمەت باسشىسى اسقار مامين جول قۇرىلىسى جوسپارىمەن تانىستى, دەپ حابارلايدى "ۇلت اقپارات".
اقتٶبە قالاسىندا 2011 جىلدان باستاپ اينالما جولدار سالىنىپ جاتىر. سولتٷستٸك اينالما جول 2011-2013 جىلدار ارالىعىندا سالىنىپ, قولدانىسقا بەرٸلدٸ. ال وڭتٷستٸك اينالما جولدىڭ جۇمىستارى 2014 جىلدان بەرٸ جالعاسىپ كەلەدٸ.
«وڭتٷستٸك اينالما جولىنىڭ ۇزىندىعى 35 شاقىرىمدى قۇرايدى. الدىمەن 21 شاقىرىم جول سالىندى. ەكٸنشٸ كەزەڭدە كٶپٸر قۇرىلىسى دا بار. 2020-2021 جىلدارى اياقتاۋ جوسپاردا بار. اقتٶبە قالاسىن اينالىپ ٶتۋگە مٷمكٸندٸك بەرەتٸن جولدى تولىق اياقتاۋ ٷشٸن تاعى 2,8 ميلليارد تەڭگە قاجەت. ٷكٸمەتتەن قارجىلىق قولداۋ سۇرايمىز», - دەدٸ اقتٶبە وبلىستىق جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى مەلٸمبەت يبراشەۆ.
ال اقتٶبە-ورسك تاسجولىنىڭ 16 شاقىرىمىنا جٶندەۋ قاجەت بولسا, بيىل 8 شاقىرىمى قولدانىسقا بەرٸلەدٸ. كەلەسٸ جىلى جۇمىستى اياقتاۋ ٷشٸن رەسپۋبليكالىق بيۋدجەتتەن 500 ميلليون تەڭگە قارجى سۇرالدى.
ايتا كەتەيٸك, اقتٶبەدە باتىس اينالما جولى دا دايىندالىپ جاتىر. ٷشٸنشٸ اينالما جولدىڭ تەحنيكالىق-ەكونوميكالىق نەگٸزدەمەسٸ دايىندالىپ, مەملەكەتتٸك ساراپتاماعا جٸبەرٸلدٸ.
پرەمەر-مينيستر كٶپٸر قۇرىلىسىمەن تانىسىپ, قارجى جايىن دا سۇرادى.
ەسكە سالساق, اقتٶبەگە ٷكٸمەت باسشىسى جۇمىس ساپارىمەن كەلٸپ, تۇرعىن ٷي قۇرىلىسىمەن تانىستى.
