QR Premer-Ministri Asqar Mamin 2022 jyly Úkimet qandai zań jobalaryn ázirleitinin atady, dep habarlaidy QazAqparat.
«Biylǵy josparǵa sáikes zań jobalary Parlamentke engizildi. Kinematografiia jáne mádeniet boiynsha zań jobasyn eki kúnniń ishinde Májiliske kirgizý qajet. Jalpy, zań jobalaý jumysynyń 2021 jylǵa arnalǵan josparyn oryndaldy dep tanýdy usynamyn», - dedi Asqar Mamin búgin Úkimet otyrysynda.
Úkimet basshysy 2022 jylǵa arnalǵan jospar jobasynda 26 zań jobasyn ázirleý kózdelgenin atap ótti.
«Onyń 16-sy Memleket basshysynyń tapsyrmalaryn oryndaýǵa qatysty. Kelesi jyly Áleýmettik kodeks jobasy, Jergilikti ózin ózi basqarý, Kásiptik biliktilikter týraly, Aglemeratsiialardy damytý, Jylý energetikasy týraly zań jobalary jáne taǵy birqatar mańyzdy jobalar ázirlenedi. Úkimettiń zań jobalaý jumystarynyń 2022 jylǵa arnalǵan josparyn maquldaýdy usynamyn. Memlekettik organdardyń birinshi basshylary zań jobalarynyń sapaly ázirlenip, Úkimet pen Parlamentke ýaqyty engizilýin qatań baqylaýdy tapsyramyn. Jospardyń oryndalýyn jalpy úilestirý jáne baqylaý Ádilet ministrligine júkteledi», - dedi Premer-Ministr.
