Biyl 1,9 trln teńgege 100-den astam óńdeý jobasyn iske qosý kerek. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Biyl óńdeý ónerkásibiniń naqty kólem indeksi kórsetkishiniń ósýi 5,8 paiyz deńgeiinde artýyn qol jetkizýimiz kerek. Sondai-aq osy jyly mashina jasaýda, qara metallýrgiiada, jeńil ónerkásipte, farmatsevtikada, tamaq ónimderiniń óndirisinde, qurylys materialdarynyń óndirisinde ósýdi ári qarai qamtamasyz etýimiz qajet», - dedi Asqar Mamin.
Úkimet basshysynyń atap ótýinshe, biyl 1,9 trln teńge somasynda 100-den astam óńdeý jobasyn iske qosý kerek. Bul shamamen 12,5 myń jańa jumys oryndaryn qurýǵa múmkindik beredi.
«Sondyqtan Indýstriia ministrligi múddeli memlekettik organdarmen jáne ákimdiktermen birlesip, 2 aptada merziminde josparlanǵan jobalardy iske asyrý boiynsha Jol kartalaryn ázirlesin. Saladaǵy barlyq ósý kórsetkishterine qol jetkizýdi jáne jobalardy iske qosýdy qatań baqylaýdy qamtamasyz etsin», - dedi Premer-Ministr.
