Qazaqstannyń depozitterge kepildik berý qory agent bank retinde «Eýraziialyq bank» AQ tańdady. «AsiaCredit Bank» AQ salymshylaryna kepildik berilgen ótemdi Qordyń qarajaty esebinen osy bank tóleitin bolady, dep habarlaidy "Ult aqparat".
«AsiaCredit Bank» AQ depozitterinde, aǵymdaǵy shottarynda jáne tólem kartochkalarynda aqshalary bar jeke tulǵalar men dara kásipkerler ótem alýǵa ótinish bere alady. Kepildik berilgen ótemdi tóleýge ótinishter qabyldaý 2021 jyldyń 24 aqpanynan bastalyp, 2022 jyldyń 1 mamyryna deiin júzege asyrylady.
«COVID-19 koronavirýs infektsiia pandemiiasynyń taralýyna jol bermeý boiynsha karantindik sharalarǵa bailanysty jáne kezekke turýdy azaitý maqsatynda agent bank qashyqtan kepildi ótemniń somasyn tekserý, ótinish berý jáne tólemdi alý múmkindigin qamtamasyz etedi. Sáikesinshe salymshylar www.eubank.kz saitynda osy rásimderdiń barlyǵyn júrgizip, ári tolyqqandy aqparat ala alady. «Eýraziialyq bank» AQ sonymen qatar «AsiaCredit Bank» AQ salymshylaryna senbi kúnderi de qyzmet kórsetetin bolady», - dep habarlady Qordan.
Salymshy ótem aqshany agent banktiń bólimshesinde alý optsiiasyn tańdaǵan jaǵdaida, QDKBQ Eýraziialyq banktiń bólimshelerine barýdan aldyn, onyń saity arqyly bólimshelerdiń qanshalyqty jumysbasty ekendigin bilip alýǵa keńes beredi.
Kepildik berilgen ótem bank litsenziiasynan aiyrylǵan kúnge qarai eseptelgen syiaqyny eskere otyryp, «AsiaCredit Bank» AQ klientiniń depozitindegi qaldyq soma sheginde tólenedi. Bul rette ol:
- teńgedegi jinaq depozitter boiynsha – 15 mln teńgeden;
- teńgedegi basqa depozitter boiynsha – 10 mln teńgeden;
- shetel valiýtasyndaǵy depozitter boiynsha – valiýta balamasynda 5 mln teńgeden aspaidy (bank litsenziiasynan aiyrylǵan kúni belgilengen valiýta aiyrbastaý baǵamy boiynsha).
«AsiaCredit Bank» AQ salymshysynyń bankte túri men valiýtasy boiynsha eki jáne odan da kóp kepildendirilgen depozitteri bar bolsa, Qor olar boiynsha 15 mln teńgeden aspaityn kólemde kepildik berilgen jiyntyq ótem tóleidi. Bul rette árbir salym túri boiynsha belgilengen limitter eskeriledi. Mysaly, shetel valiýtasyndaǵy depozitter boiynsha shekti soma joǵaryda kórsetilgenindei valiýta balamasynda 5 mln teńgeden aspaidy.
Agent bank arqyly kepildik berilgen ótemdi alý úshin AsiaCredit Bank salymshylary agent banktiń kez kelgen filialy nemese bólimshesine baryp, nemese www.eubank.kz saity arqyly tólem alýǵa ótinish toltyra alady.
Kepildi ótemdi tóleý jónindegi ótinish blankisin tikelei agent bankten alýǵa nemese QDKBQ saitynan (www.kdif.kz) elektrondy nusqasyn júktep alyp, aldyn ala toltyrýǵa bolady.
Ótemdi alý úshin salymshy jeke basyn kýálandyratyn qujatyn kórsetýi qajet. Eger salymshynyń ornyna basqa tulǵa ótinish beretin bolsa, onda quqyq belgileýshi qujattar usynylady. Mysaly, notariýs kýálandyrǵan muragerlik quqyǵy týraly kýálik nemese senimhat. Kepildik berilgen ótem salymshyǵa onyń qujattary agent bankke kelip túsken kúnnen bastap 5 jumys kúni ishinde tólenedi.
Salymshylar kepildik berilgen ótemdi ózderine yńǵaily tásilmen: agent banktiń kassasynan qolma-qol aqshamen, sol agent bankte bank shotyn (kartochka) ashý nemese kez kelgen basqa bankke aýdarý arqyly alýǵa quqyly.
Depozitterinde Qor tarapynan saqtalýyna kepildik berilgen somadan artyq qalǵan aqshalaryn alý úshin salymshylar, bankti májbúrlep taratý týraly sot sheshimi zańdy kúshine engen soń, «AsiaCredit Bank (AziiaKredit Bank)» AQ taratý komissiiasyna ótinish berýge quqyly.
Eske salaiyq, Qazaqstan Respýblikasynyń Qarjy naryǵyn retteý jáne damytý agenttigi basqarmasynyń 2021 jylǵy 11 aqpandaǵy № 22 qaýlysyna sáikes «AsiaCredit Bank» AQ baǵaly qaǵazdar naryǵynda qyzmetti júrgizý litsenziiasynan aiyrylǵan bolatyn.
