Ashyq.kz saitynda bir kúnde úiinde otyryp óz mártebesin tekseretinder arasynda «qyzyl» statýsy bar 7,7 myń adam tirkeledi. Bul týraly «Atameken» UKP basqarma tóraǵasynyń orynbasary Iýliia Iakýpbaeva atalǵan jobanyń statistikasyna súienip málim etti, dep habarlaidy QazAqparat.
Onyń aitýynsha, iri saýda nysandarynyń Ashyq júiesine qosylýy karantin talabyn buzatyndardyń anyqtalýyna septigin tigizýde.
«Bir aida «qyzyl» statýsy bar karantin talabyn buzýshylar sany kúnine 184-ten 1916-ǵa artty, iaǵni 10 esege kóp», - dep jazdy Iu.Iakýpbaeva Facebook-te.
«Atameken» ókili Ashyq-ta óz mártebeńdi kórý úshin úiden shyǵýdyń qajeti joqtyǵyn eske saldy.
«Ashyq.kz saity bar. Sonyń kómegimen kún saiyn 100 myńnan astam adam óz statýsyn onlain tekserip jatyr. Kúnine osy saitta «qyzyl» mártebesi bar 7700-den astam azamat tirkeledi», - dedi ol.
Sondai-aq onyń sózinshe, búginde Ashyq jobasyna qatysatyn saýda nysandarynyń sany 4 esege artyp, 88 570-ke jetti.
«Eger buǵan deiin jobaǵa qatysýshylar arasynda qoǵamdyq tamaqtaný nysandary kóp ekendigin aitsaq, endigide saýda kásiporyndarynyń úlken segmenti enip otyr.
El boiynsha 700-den astam iri saýda ortalyǵy men jabyq bazarlar Ashyq qatysýshylary. Iaǵni eger saýda, oiyn-saýyq ortalyǵynda ortasha 300 arendator (2 ese kóp te bolady) bolsa, onda jobanyń saýda nysandaryn qamtýy 200 myńnan asyp jyǵylǵanyn aita alamyz», - dep qosty Iu.Iakýpbaeva.
