QR Tsifrlyq damý, innovatsiialar jáne aeroǵarysh ónerkásibi ministrligi Ashyq júiesinde oryn alǵan tehnikalyq aqaýǵa qatysty túsinikteme berdi, dep habarlaidy QazAqparat.
«Ashyq» jobasynyń qyzmeti tolyqtai «Ulttyq aqparattyq tehnologiialar» AQ-na berildi. Qazirgi ýaqytta barlyq problema sheshildi. Qosymshany qoldanýshy adam sanynyń shamadan tys kóp bolýynan tehnikalyq qatelikter oryn aldy», - dedi atalǵan ministrliktiń Tsifrlyq sheshimder departamentiniń direktory Bolatbek Moldabekov.
Onyń aitýynsha, búginde atalǵan qosymshany 1 mln 600 myńnan astam adam belsendi qoldanady.
«Sandar jyldam ósýde. Bizdiń aktsionerlik qoǵam úlken júktememeni igere alady. Búginnen bastap eshqandai problema bolmaidy. Jáne júie aqaýsyz jumys isteýi úshin janama túri ázirlenedi. Sondyqtan másele týyndamaidy», - deidi ol.
