Almatynyń bas memlekettik sanitar dárigeri Jandarbek Bekshin kásiporyndarda vaktsina alǵan qyzmetkerlerdiń qalai tekseriletinin aitty, dep habarlaidy QazAqparat.
«Respýblikalyq vedomstvoaralyq komissiia bekitip, algoritm tásilderi maquldandy. Aldymen jobalyq keńse qyzmetkerlerdiń sany 55 adamnan asatyn jáne personaldyń keminde 60%-y birinshi komponentpen egilgen kásiporyndardyń tizimin jasaidy. Bul tizimder jergilikti atqarýshy organdarǵa beriledi, al olar bul tizimdi bekitip, monitoring toptaryna berýi tiis. Monitoring toptardyń reidi infokazakhstan.kz saitynda tirkeledi jáne jumys kúnderi, saǵat 10:00 - den 17:00-ge deiin ótkiziledi», - dedi Bekshin.
Onyń aitýynsha, monitoring toptary qandai da bir obektide jumys isteitin barlyq qyzmetkerdiń tizimin tekseredi. Vaktsina alǵandardy, sondai-aq, meditsinalyq kórsetkishi boiynsha vaktsinatsiiadan bosatylǵan adamdardy jáne jeti kún ishinde PTR test tapsyrǵan adamdardy kórsete otyryp, aty-jónderi men JSN-nyn belgileidi.
«Monitoring toptary tańdaý arqyly Ashyq qosymshasynda kórsetilgen adamdardyń mártebesin jáne qyzmetkerlerdiń tizimimen salystyryp tekseredi. Eger 50 - den 200 adamǵa deiin bolsa, onda jumystaǵy qyzmetkerlerdiń keminde 10% - y iriktep tekseriledi, eger 201-den 500-ge deiin bolsa, onda 5% - y, al 500-den 1 000-ǵa deiin bolsa, onda 3% - y, 1 000-nan astam bolsa, onda 1% - y tańdaý arqyly tekseriledi. Eger qyzmetkerdiń «qaýipti» statýsy bolsa, onda onyń nelikten jumys ornynda bolýynyń negizi naqtylanady. Eger osy jaǵdaidyń negizi bolmasa, onda baianat túrindegi materialdar aýdandyq sanepidbaqylaý basqarmasyna beriledi. Aýdandyq basqarmanyń qyzmetkerleri statýsynda «kók» túsi bar adamdardy qaita tekseredi, sebebi, bazaǵa kire alady, sondai-aq, meditsinalyq aqparattyq júie kórsetiledi. Osy materialdardy taldaý barysynda SES ákimshilik sharalardy qabyldaidy», - dep tolyqtyrdy spiker.
Osyǵan bailanysty aldymen kásiporyn basshylary eskertiledi, jaǵdai qaitalanatyn bolsa, kompaniiaǵa aiyppul salynady, al obekt Ashyq jobasynan shyǵarylady. Tekserý barlyq resmi qujattar rásimdelgen soń bastalady.
