Ashyq talaptaryn oryndamaǵan nysandar jobadan shyǵarylady. Bul týraly QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova aitty, dep habarlaidy "Ult aqparat".
«Iskerlik belsendilikti arttyrý jáne epidemiologiialyq ahýaldy turaqtandyrý arasyndaǵy teńgerimdi qarastyryp jatyrmyz. Ashyq jobasy dál osyǵan baǵyttalǵan. Karaokelerge qatysty birqatar shekteýler qarastyrylǵan. Buǵan qosa, karaoke Ashyq jobasymen ǵana jumys isteidi. Onyń ústine Ashyq jobasy arqyly qyzmet kórsetetin nysandarǵa qoiylatyn birqatar mindetti talap bar. Eger nysandar bul talaptardy oryndamasa, onda olar jobadan shyǵarylady», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, Ashyq jobasy nysanǵa keletin azamattardyń sanaty naqty bóletindigin aitty.
«Nysanǵa PTR teris nátijesi bar nemese mártebesi belgisiz adamdardyń kirýine ruqsat beriledi. Al PTR oń nátijesi bar kelýshige nemese bailanysta bolǵan adamdarǵa Ashyq jobasymen jumys isteitin nysanǵa kirýge tyiym salynady», - dedi Aijan Esmaǵambetova.
