«Ashyq» qosymshasy bóten JSN engizýden qorǵaý maqsatynda Egov júiesindegi azamattardyń mobildi bazasymen sáikestendirildi. Bul týraly Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov aityp berdi, dep habarlaidy QazAqparat.
Vitse-ministr «Ashyq» júiesiniń memleket menshigine ótkenin eske saldy.
«Júieniń Ulttyq operator – «Ulttyq aqparattyq tehnologiialar» AQ qaraýyna berilgenin aitqym keledi. Endi «UAT» AQ tehnikalyq mamandary «Ashyq» júiesin tolyq ákimshilendirýmen ainalysady. Sonymen birge, mobildi qosymsha únemi jańartylyp otyrady. 18 mamyrdan bastap Android-de «Ashyq» jańa nusqasy iske qosyldy, onda QR-kodty skanerlemei-aq, óz mártebeńizdi teksere alasyz», - dedi Áset Turysov Ortalyq kommýnikatsiialar qyzmetinde ótken baspasóz máslihatynda.
Vitse-ministr «Ashyq» qosymshasy azamattardyń mobildi bazasymen biriktirilgenin atap ótti.
«Bóten JSN engizýdiń aldyn alý úshin «Ashyq» qosymshasy azamattardyń mobildi bazasymen biriktirildi. Mobildi baza Egov quramynda, sondyqtan basqa JSN engizilse, ol Egov derekterine sáikes kelmeidi. Turǵyndardan Egov mobile qosymshasyn júktep, osy qosymshamen sáikestendirýdi suraimyn. Bul kóp ýaqytty qajet etpeidi, osydan keiin siz mobildi azamattar bazasyna kiresiz. Osylaisha, biz bóten JSN engizýdiń jolyn kesemiz», - dep túsindirdi Áset Turysov.
Vitse-ministr 21 mamyrdaǵy jaǵdai boiynsha paidalanýshylar sany 1,6 mln adamǵa jetkenin atap ótti.
