Almaty qalalyq Sanitarlyq-epidemiologiialyq baqylaý departamentiniń basshysy Jandarbek Bekshin tikelei efir barysynda Ashyq qosymshasynyń qalai jumys isteitinin keńirek túsindirdi, dep habarlaidy "Ult aqparat".
Onyń aitýynsha, Almatyda Ashyq qosymshasyn 13 myń kásipkerlik nysan tirkeýge niet bildirip otyr.
«Bul fitnes klýbtar, spa-ortalyqtar, saýna, bassein, kompiýter klýbtary men boýling ortalyqtar. Bul júie biznes úshin kóp qarajatty talap etpeidi. Pilottyq jobaǵa qatysatyn kásipkerlik nysandaryna kirý úshin kelýshiler arnaiy QR-kod arqyly ótedi. Máselen, «jasyl» mártebe COVID-19 PTR taldaýy teris bop shyqqan adamǵa beriledi. PTR taldaýy joq, COVID-19 aýyrǵan adammen bailanysy joq adamǵa «kók» mártebe beriledi. «Sary» mártebe COVID-19 naýqas adammen bailanysy bolǵan adamǵa beriledi. «Qyzyl» mártebe bazada COVID-19 PTR taldaýy oń shyqqan adamdarǵa beriledi», - dedi qalanyń bas sanitarlyq dárigeri.
Aita ketý kerek, QR Tsifrlyq damý, innovatsiia, aeroǵaryshtyq ónerkásip ministrligi QR DSM birige otyryp eldegi epidemiologiialyq ahýaldy baqylaý úshin Ashyq qosymshasyn ázirledi.
Ashyq qosymshasy Nur-Sultan, Almaty, Qaraǵandy qalalaryndaǵy nysandarda qoldanylyp jatyr.
