Qazaqstannyń bas sanitar dárigeniń jańa qaýlysy boiynsha sanitarlyq talapty saqtaǵan kásipkerlik nysandaryna «Ashyq» kóshbasshysy» mártebesi berilmek, dep habarlaidy "Ult aqparat".
Qujatqa súiensek, «Ashyq» kóshbasshysy» mártebesin berý algoritmi mynadai:
1. «Ashyq» kóshbasshysy» mártebesi osy Algoritmge sáikes 1-shemaǵa sáikes «Ashyq» kóshbasshysy» mártebesin berý ólshemsharttary boiynsha jobaǵa qatysýshylarǵa beriledi.
2. «Ashyq» kóshbasshysy» mártebesin berý úshin jobaǵa qatysýshylardyń tizimin jergilikti ákimdikter qalyptastyrady.
3. Tsifrlyq damý, innovatsiia jáne aeroǵarysh ónerkásibi ministrligi ákimdikterge jobaǵa qatysatyn obektilerde (2 aptalyq kezeńde) QR-kod (check-in) boiynsha kelýshilerdi tirkeý sanyna qatysty málimetterdi (júktep alýdy) usynýdy qamtamasyz etedi.
4. «Ashyq» kóshbasshysy» mártebesin jobaǵa qatysýshylarǵa berý VAK-tyń sheshimimen tizim boiynsha bekitiledi. «Ashyq» kóshbasshysy» mártebesiniń qoldanylý uzaqtyǵy – 2 apta.
5. «Ashyq» kóshbasshysy» mártebesin alǵan jobaǵa qatysýshylardyń tizimi ákimdiktiń saitynda ornalastyrylady.
6. «Ashyq» kóshbasshysy» mártebesin alǵan jobaǵa qatysýshyǵa mynadai jeńildikter beriledi:
- «qyzyl» aimaqtaǵy jobaǵa qatysýshylar «sary» aimaqtyń talaptary boiynsha jumys isteidi;
- «sary» aimaqtaǵy jobaǵa qatysýshylar «jasyl» aimaqtyń talaptary boiynsha jumys isteidi;
- «jasyl» aimaqtaǵy jobaǵa qatysýshylarǵa jumys rejimi 2 saǵatqa qosymsha uzartylady, sondai-aq obektini toltyrý 10% arttyrylady.
