«Ashyq» júiesine qatysa otyryp, eń az QR-kod tirkegen kásipkerlik nysandar úsh márte sylbyrlyq tanytsa, júieden birjola shyǵarylady. Búl týraly Qazaqstannyń bas sanitar dárigeriniń búgingi Qaýlysynda aitylǵan, dep habarlaidy "Ult aqparat".
Josyqsyz qatysýshylardy «Ashyq» jobasynan shyǵarý algoritmi:
1. «Ashyq» jobasyna qatysýshylardy jergilikti atqarýshy organdar (ákimdikter) mynadai negizder boiynsha:
1) monitoringilik toptyń obektide jobaǵa qatysýǵa qoiylatyn talaptardyń buzylýyn rastaityn faktilerdi anyqtaýy;
2) Qazaqstan Respýblikasynyń aýmaǵynda koronavirýs infektsiiasynyń paida bolýy men taralýyna jol bermeý jónindegi vedomstvoaralyq komissiianyń (VAK) sheshiminiń negizinde jobadan shyǵarady;
3) 2 aptalyq málimetti júktep alý nátijeleri boiynsha obekti VAK belgilegen QR-kod (check-in) boiynsha kelýshilerdi tirkeýdiń eń az sanyn júrgizbeýiniń anyqtalýy.
2. QR-kod (check-in) boiynsha kelýshileri eń az sanmen tirkelgen «Ashyq» jobasyna qatysýshylarǵa qatysty ákimdikter:
1) aldyn ala eskertý beredi;
2) monitoringilik top anyqtaǵan, qoldanystaǵy jumys algoritmi qaita buzylǵan kezde qatysýshy 2 aptaǵa jobadan shyǵarylady.
3. Jumys algoritmin 3 ret buzǵan qatysýshy (monitoringilik toptyń nátijeleri boiynsha) 2 aidan erte jobaǵa qaita orala almaidy.
Buǵan deiin habarlaǵanymyzdai, búgin Qazaqstannyń bas sanitarlyq dárigeriniń jańa Qaýlysy shyqty. Qujatta «Ashyq» júiesimen jumys isteitin kásipkerlik nysandardyń sanaty 23-ke jetkizilgeni aitylǵan.
Sondai-aq Qaýlyda santiarlyq talapty saqtaǵan kásipkerlik nysandaryna «Ashyq» kóshbasshysy» mártebesi beriletini jazylǵan.
