Ashyq júiesine eGov mobile qosymshasy arqyly da kirýge bolady, dep habarlaidy QazAqparat.
Bul týraly «Ulttyq aqparattyq tehnologiialar ortalyǵy» AQ basqarma tóraǵasy Rostislav Koniashkin ortalyq kommýnikatsiialar qyzmetinde ótken brifingide aitty.
«Birinshiden, biz azamattardyń ótinishin taldap, biznes protsesti jetildirý jáne júieniń jumysyn turaqtandyrý úshin bastapqy kodty qaita jazdyq. Sodan keiin ony eGov mobile-ǵa shyǵardyq, endi telefon nómiri men JSN engizýdiń qajeti joq, tek avtorizatsiiadan ótip, QR kodty skanerleý qajet. Sondai - aq, biz servisti ekinshi deńgeidegi bankterdiń qosymshalaryna shyǵarý boiynsha jumys júrgizdik», - dep túsindirdi Rostislav Koniashkin.
Sondai-aq, ol qosymshanyń «Ulttyq aqparattyq tehnologiialar ortalyǵynyń» súiemeldeýine kóshkendikten tehnikalyq protseste qosymsha irkilis bolǵanyn atap ótti.
«Búgingi tańda júieni jetildirý jáne turaqtandyrý baǵytyndaǵy jumystar aiaqtaldy. Sondyqtan júiede irkilister baiqap otyrǵan joqpyz», - dedi ortalyq basshysy.
