5 shildede QR Premer-Ministri Álihan Smaiylovtyń tóraǵalyǵymen Úkimettiń kezekti otyrysy ótti. Otyrystyń kún tártibindegi birinshi másele turǵyn úi saiasatyndaǵy jańa tásilderdi iske asyrý boldy, dep habarlaidy "Ult aqparat" primeminister.kz saityna silteme jasap.
Úkimet basshysynyń aitýynsha, biyl 15 mln sharshy metr turǵyn úidi paidalanýǵa berý josparlanyp otyr, bul 138 myń otbasyǵa turǵyn úi jaǵdaiyn jaqsartýǵa múmkindik beredi. Máselen, 5 aida 4,7 mln sharshy metr turǵyn úi (ótken jylmen salystyrǵanda 103,4%) paidalanýǵa berilgen.
«Memleket basshysy Qasym-Jomart Kemeluly Toqaevtyń tapsyrmasy boiynsha biz turǵyn úi saiasatynyń jańa tásilderin ázirledik. Ol, birinshi kezekte, azamattar úshin turǵyn úidiń qoljetimdi bolýyn qamtamasyz etýge, sondai-aq olardyń turmys jaǵdaiyn jaqsartýǵa baǵyttalyp otyr. Endi baspana kezeginde turǵandar úshin turǵyn úidi bólý «bir tereze» qaǵidaty boiynsha bir ortalyqtan, ashyq túrde júrgiziletin bolady. Onyń negizgi operatory – Otbasy banki», — dedi Smaiylov.
Sonymen qatar Premer-Ministr azamattardy turǵyn úimen qamtamasyz etýdiń jańa mehanizmderi týraly málimdedi. Onda arendalyq tólemdi sýbsidiialaý jáne aýyldyq jerlerde turǵyn úi salý siiaqty qoldaý sharalary bar. Biyl jańa mehanizmder esebinen 70 myń azamatqa úidi jalǵa alý úshin sýbsidiia berý jáne aýyldyq jerlerde 2,8 myńǵa jýyq adamdy jańa baspanamen qamtamasyz etý josparlanyp otyr.
Ministrler kabinetiniń basshysy turǵyn úi-kommýnaldyq salasyn tsifrlandyrý boiynsha júrgizilip jatqan aýqymdy jumysqa nazar aýdardy. «E-Qurylys» jáne «E-Shańyraq» júieleri, sondai-aq Qala qurylysy kadastrynyń portaly arqyly turǵyn úidi paidalanýǵa berý jónindegi derekterdiń biryńǵai esebi engizilip jatyr.
Jalpy, Álihan Smaiylovtyń aitýynsha, turǵyn úi salasyndaǵy tásilderdi toptastyryp, bir retke keltirý úshin Turǵyn úi-kommýnaldyq infraqurylymdy damytýdyń 2026 jylǵa deiingi tujyrymdamasyn qabyldaý jumystary bastalyp ketti.
Sózin aiaqtai kele, Premer-Ministr Indýstriia jáne infraqurylymdyq damý ministrligi men múddeli memlekettik organdarǵa tapsyrma berdi:
