Qazaqstan Respýblikasyna ákelingen azyq-túlik ónimderdiń quramynda tyiym salynǵan jáne ziiandy zattar anyqtaldy. Bul týraly Aýyl sharýashylyǵy ministrliginiń baspasóz qyzmeti habarlady.
QR AShM azyq-túlik ónimderine monitoringtik zertteý júrgizý qorytyndylary boiynsha, reseilik jáne belarýs ónimderiniń normalarǵa bastapqy sáikessizdikti anyqtaýyna bailanysty Reseidiń Agapov aýdanynan ákelingen broiler balapandarynyń etinen daiyndalǵan ragýda mezofildi aerobty jáne fakýltativtik anaerobty mikroaǵzalar sanynyń kóp bolýyn anyqtap, kúsheitilgen zerthanalyq qadaǵalaý rejimin engizgen.
Sondai-aq, reseilik «Blagoiar» saýda belgisiniń qatyrylǵan broiler balapanynyń siraǵynan mezofildi aerobty jáne fakýltativtik anaerobty mikroaǵzalardyń kóp bolýy, Reseidiń Stavropol ólkesinde, Cheliabinsk oblysy, Nagaibakskii aýdanynda shyǵarylatyn broiler balapandarynyń etinen jasalǵan qatyrylǵan jartylai fabrikattar, sorpa jiyntyǵynan patogendik mikroaǵzalar, sonyń ishinde salmonella anyqtalǵan.
Zerthanalyq zertteý qorytyndylary boiynsha, Reseidiń Mordoviia Respýblikasynda «Atiashevskii» et óńdeý kesheninde shyǵarylatyn ónimderdiń arasynda V kategoriiasyndaǵy «Ýtrennie» qatyrylǵan shujyq ónimderinen ishek taiaqshasy tobynyń bakteriialary anyqtaldy.
Al Belarýs Respýblikasynyń «Drýjba» qus fabrikasy AAQ-da daiyndalatyn broiler balapany etinen patogendik mikroaǵzalar, sonyń ishinde salmonella anyqtalǵan.
