AShM inspektorlary 61 tonna qaýipti dándi daqyl, jidek, kókónis jáne jemisti Qazaqstan aýmaǵyna ótkizýge tyiym saldy, dep habarlaidy "Ult aqparat" ministrliktiń baspasóz qyzmetine silteme jasap.
Ótken aptada Aýyl sharýashylyq ministrliginiń karantin jónindegi memlekettik inspektorlary 60 tonnadan astam qaýipti importtyq dándi daqyldardy, jidekterdi, kókónister men jemisterdi tárkilep, keri qaitardy. Taýarlar elimizge Resei Federatsiiasynan, Qytai men Ózbekstan Respýblikasynan jetkizilgen.
«22 tonna qurma men mandarinnen qaýipti karantindik ziiankester - qara tsitrýstyq aqqanat (Aleurocanthus woglumi Ashby) jáne Kostok qurty (Pseudococcus comstocki (Kuwana) anyqtaldy», delingen habarlamada.
Sonymen qatar, Aýyl sharýashylyq ministrliginiń karantin jónindegi memlekettik inspektorlary qaptama tańbalary joq 26 tonnadan astam qurma, 4,4 tonna júzim, 2,4 tonna qyzanaq jáne 126 kg limon, fitosanitarlyq sertifikatty joq 5 tonna bidaidyń Qazaqstan aýmaǵyna ákelýge tyiym saldy.
Sondai-aq, Ózbekstannan tyiym salynǵan ónimdi qol júgi arqyly ótkizýdiń birneshe oqiǵasy tirkelgen.
«Bir apta ishinde Túrkistan, Qostanai, Aqmola jáne Almaty oblystarynda joǵary fitosanitarlyq qaýpi joǵary ósimdik ónimderin zańsyz jetkizýdiń 15 jaǵdaiy anyqtaldy. QR aýmaǵyna tasymaldaýǵa tyiym salynǵan ónimder Ózbekstan Respýblikasyna, Resei Federatsiiasyna jáne QHR-ǵa keri qaitarylyp, jaýapty tulǵalar ákimshilik jaýapkershilikke tartyldy», delingen habarlamada.
Eske salsaq, QR Prezidenti Q.Toqaev shekara mańyndaǵy aýmaqtarda veterinariialyq jáne fitosanitariialyq baqylaýdy kúsheitýge baǵyttalǵan «Qazaqstan Respýblikasynyń keibir zańnamalyq aktilerine agroónerkásiptik keshendi retteý máseleleri boiynsha ózgerister men tolyqtyrýlar engizý týraly» QR Zańyna qol qoidy. Sonymen qatar, atalmysh zań kúshine engennen keiin veterinariia jáne fitosanitariia salasyndaǵy barlyq baqylaý-qadaǵalaý fýnktsiialary QR Aýyl sharýashylyǵy ministrligine beriledi.
