QR Parlamenti Senatynyń tóraǵasy Máýlen Áshimbaev qazaqstandyqtardy Ramazan aiynyń bastalýymen quttyqtady.
Quttyqtaýyn Senat tóraǵasy óziniń Facebook paraqshasynda jariialady.
«Elimizdegi barsha musylman qaýymyn qasietti Ramazan aiynyń bastalýymen shyn júrekten quttyqtaimyn!
Bul – sabyrlyqtyń, meiirimniń jáne izgiliktiń aiy. Osy kezeńde adamzatty yrys-yntymaqqa shaqyratyn rýhani qundylyqtar keńinen dáripteledi. Otyz kún orazada qaiyrymdylyq tanytyp, muqtaj jandarǵa qoldaý kórsetý de igi dástúrge ainaldy.
Ókinishke qarai, biyl da Ramazan aiy búkil álemdi jailaǵan pandemiia kezeńine tuspa-tus kelip otyr. Sondyqtan azamattarymyz qalyptasqan keibir rásimderdi oryndaýda Qazaqstan musylmandary dini basqarmasynyń usynymdaryna qulaq asqany jón. Bul rette halqymyz jaýapkershilik tanytady dep senemiz.
Niet etken jandarǵa ustaǵan orazalaryńyz ben tilegen duǵa-tilekterińiz qabyl bolsyn deimin. Bereke-birligimiz arta bersin. Ár shańyraq shattyqqa kenelsin. Elimiz aman, jurtymyz tynysh bolsyn!», - dep jazdy Máýlen Áshimbaev.
