QR Parlamenti Senatynyń tóraǵasy Máýlen Áshibaev barsha qazaqstandyqty Alǵys aitý kúnimen quttyqtady, dep habarlaidy "Ult aqparat".
«Búgin elimizde Alǵys aitý kúni atalyp ótýde. Soǵan sáikes azamattarymyz bir-birine alǵys aityp, rizashylyqtaryn jetkizip jatyr. Sondai-aq, qiyn-qystaý jyldarda bizdiń jerimizge qonys aýdarylǵan túrli etnos ókilderiniń búgingi urpaqtary qazaq halqyna jáne qazirgi tańda ózderiniń de qasterli Otanyna ainalǵan Qazaq eline alǵys bildirýde. Bul – adamgershiliktiń, ádilettiliktiń jáne jasampazdyqtyń jarqyn kórinisi», - dep jazdy Senat spikeri Facebook paraqshasynda.
Onyń atap ótýinshe, Elbasymyzdyń bastamasymen kúntizbemizge qosylǵan mereke tatýlyq pen turaqtylyqty, kelisim men dostyqty jáne birlik pen berekeni dáripteidi. Munyń bári qazirgidei kúrdeli kezeńde asa mańyzdy qundylyqtar ekeni anyq. Sondyqtan bul kún Memleket basshysynyń da basty nazarynda.
«Jyl ótken saiyn qoǵamda Alǵys aitý kúni buqaralyq sipatqa ie bolyp keledi. Oǵan 1 naýryzda ultty uiystyratyn is-sharalardyń kóptep uiymdastyrylýy aiqyn dálel. Aldaǵy ýaqytta osy úrdis laiyqty jalǵasyn taýyp, bul meiram halqymyzdyń yrys-yntymaǵyn arttyrýǵa óz septigin tigize beredi dep senemiz. Osy múmkindikti paidalana otyryp, barshańyzǵa airyqsha alǵysymdy bildiremin. Qashanda judyryqtai jumylyp, bir-birimizge qoldaý kórsetip, eldik múdde jolynda eseli eńbek ete bereiik. Ár shańyraqqa shattyq pen baq-bereke tileimin. Elimiz aman, jurtymyz tynysh bolsyn. Táýelsiz Qazaq eli máńgi jasai bersin!», - dedi Máýlen Áshimbaev.
