Dýshanbe qalasynda (Tájikstan) Qazaqstan Respýblikasy Prezidentiniń kómekshisi – Qaýipsizdik Keńesiniń Hatshysy Áset Isekeshev Ujymdyq qaýipsizdik sharty uiymynyń (UQShU) Qaýipsizdik keńesteri hatshylarynyń otyrysy barysynda Uiymǵa múshe memleketterdegi óz áriptesterimen ekijaqty kezdesýler ótkizdi.
Bul týraly "Ult aqparat" Aqordanyń resmi saitynan málim boldy. Tájikstan Respýblikasy Qaýipsizdik Keńesiniń hatshysy N.Mahmýdzodamen kezdesýde Aýǵanstandaǵy ahýaldy eskere otyryp, óńirlik qaýipsizdikti nyǵaitý máseleleri qaraldy. Ózara is-qimyldy, onyń ishinde, zańsyz kóshi-qon men esirtki trafigine qarsy kúres baǵytyn odan ári jandandyrý qajet ekeni aityldy.
Bul týraly Aqordanyń resmi saitynan málim boldy.
Tájikstan Respýblikasy Qaýipsizdik Keńesiniń hatshysy N.Mahmýdzodamen kezdesýde Aýǵanstandaǵy ahýaldy eskere otyryp, óńirlik qaýipsizdikti nyǵaitý máseleleri qaraldy. Ózara is-qimyldy, onyń ishinde, zańsyz kóshi-qon men esirtki trafigine qarsy kúres baǵytyn odan ári jandandyrý qajet ekeni aityldy.
Resei Federatsiiasy Qaýipsizdik Keńesiniń hatshysy N.Patrýshevpen kelissózder barysynda óńirlik jáne jahandyq qaýipsizdiktiń ózekti máseleleri, eki eldiń tiisti memlekettik organdarynyń terrorizmge jáne dini ekstremizmge qarsy is-qimyly, áskeri-tehnikalyq yntymaqtastyq baǵytyndaǵy ózara bailanystary talqylandy. Transshekaralyq ózenderdiń ekojúiesi men sý resýrstaryn saqtaý máseleleri qozǵaldy, atap aitqanda, Jaiyq ózeniniń jaǵdaiy sóz boldy.
Kezdesý nátijeleri boiynsha taraptar 2021-2022 jyldarǵa arnalǵan Qazaqstan men Resei Qaýipsizdik keńesteri apparattary arasyndaǵy yntymaqtastyq josparyna qol qoidy.
Belarýs Respýblikasy Qaýipsizdik Keńesiniń Memlekettik hatshysy A.Volfovichpen jáne Armeniia Respýblikasy Qaýipsizdik keńesiniń hatshysy A.Grigorianmen qazirgi zamanǵy qaýip-qaterlerge qarsy turý úshin áriptestikti nyǵaitý boiynsha pikir almasty, sondai-aq, eki el Qaýipsizdik keńesteri apparattarynyń arasyndaǵy yntymaqtastyq josparynyń júzege asyrylýy talqylandy.
