Taldyqorǵan qalasy ákimdigi qyzmetkerleriniń basy daýǵa qaldy. Óitkeni ózara bas qosqan birneshe sheneýnik qoǵamdyq oryndardyń birinde jinalǵan. Jiynnyń sońy shýǵa ainalypty.
Sebebi sol otyrysta bolǵan qurylys bóliminiń basshysy kósheniń qaq ortasynda áielin uryp, qyzmettik kólikke ishimdik ishken kúiinde otyryp, politseilerge ustaldy, dep habarlaidy 31 arna.
"Videodaǵy bolǵan janjal - jańaǵy áielimen bolǵan janjal. Ol - bizdiń Taldyqorǵan qalasy ákimdiginiń qurylys bóliminiń basshysy. Ishimdik iship alyp, qyzmettik mashinaǵa otyryp, aidaǵany. Ol fakti naqty tirkelgen politsiiada", - dedi Taldyqorǵan qalasy ákiminiń baspasóz hatshysy Nur Qanatuly.
Al jazba avtory sheneýniktiń politsiiaǵa ustalǵanyn, saraptamaǵa barǵanyn barlyǵyn túsirgen. Sonymen qatar, bul kadlarda Taldyqorǵan qalasy ákiminiń orynbasarynyń da júrgenin anyq kórýge bolady.
"Úsh mashinany kórdik, qyzmettik avtomobildi. 068, 073, bireýi hiýndai, bireýi kia, arasynda júrgen kamri 50 bar, 073 qoi deimin. Men "ty zachem jený svoiý besh" degendi estip qaldym. Qaýly boiynsha karaoke barlar istemeý kerek qoi", - dedi bloger Qairat Abdrahman.
Rasynda qaýlyǵa sáikes Taldyqorǵanda karaokelerdiń jumys isteýine ruqsat joq.
Aita keteiik, daýly videodaǵy sheneýnikterge qatysty qyzmettik tekserý júrip jatyr. 30 jastaǵy qurylys bóliminiń basshysy jumystan ýaqytsha shettetilipti. Jáne ol jeti jylǵa deiin kólik júrgizý quralynan aiyrylýy múmkin.
