Almatydaǵy «Alataý» dástúrli óner teatry 2017 jylǵy 25–30 jeltoqsan jáne 2018 jylǵy 3–9 qańtar aralyǵynda balalarǵa arnap jańa jyldyq erteńgilik oiyn-saýyq uiymdastyryp otyr.
Erteńgilikter «Asan men Úsen jańa jyl merekesinde» degen jalpy atpen ótýde. Bul merekelik oiyn-saýyqtar Almaty qalasyndaǵy barlyq búldirshinder men tómengi synyp oqýshylaryna, sonyń ishinde áleýmettik jaǵdaiy tómen, ata-ananyń meiirimi men qamqorlyǵyna zárý balalar úiiniń tárbielenýshilerine arnalǵan. 25 jeltoqsanda ótken alǵashqy erteńgilik osy sońǵy maqsatqa sai orailastyryldy. Teatr ónerpazdarymen birge jalpy sany 200-ge jýyq búldirshin jiylyp «Asan men Úsen» qoiylymy arqyly ertegiler eline saiahattady. Óz keiipkerleriniń beinesin qaltqysyz somdaǵan ártistermen qatar balalar da qoiylymǵa belsene qatysyp, óz ónerlerin ortaǵa saldy. Ózderin ertegi keiipkerlerindei sezinip, áserli de ádemi kórinistiń shyǵýyna atsalysqan jas órender qoiylym sońynda demeýshiler atynan ázirlengen jańa jyldyq syilyqtar aldy. Balalarynyń ónerin tamashalap, qýanyshymen bólisken zaldaǵy kórermen teatrda alǵash uiymdastyrylyp, jańa leppen kelgen qazaqy qoiylymnyń kýási boldy. Oiyn-saýyq sońy balalarǵa arnalǵan kóńildi mýltiplikatsiialyq qoiylymǵa ulasty.
Teatrdaǵy erteńgilikterdiń jáne bir ereksheligi – úirenshikti taptaýryn qalyptan tys, qazaqy naqysh daryta otyryp uiymdastyrylýy, iaǵni olar «Bolashaqqa baǵdar: rýhani jańǵyrý» baǵdarlamalyq maqalasy aiasynda, óskeleń urpaq sanasyna rýhani qundylyqtardy sińirýdi jáne qazaqy salt-dástúrlerdi nasihattaýdy kózdeidi.
Jeltoqsannyń aiaq sheninde Jańa jyldy qarsy alý hristiandardyń dini merekesinen shyqqan dep sanaý – qate kózqaras. Birqatar etnograf-tarihshylardyń dáleldeýinshe, buryn qypshaqtarda da shyrsha merekesi bolǵan, iaǵni Jańa jyl – kóshpelilerdiń de baiyrǵy meiramy desek qatelespeimiz. Sonymen qosa dini turǵydan kelgende Isa paiǵambardyń (s.ǵ.s.) týǵan kúni bolyp sanalatyn qańtar aiynyń alǵashqy kúnderin atap ótý de musylman jurtyna shet emes. Al kóz qýanyshymyz, balalarymyzǵa arnaiy ázirlengen mundai sharanyń óskeleń urpaq tárbiesine berer taǵylymy zor bolary sózsiz. Bizdiń qoǵamǵa kádýilgi shyrsha mańyndaǵy Aiaz Ata men Aqsha qar áńgimesinen góri qazaq ertegisi keiipkerleriniń beinesi kerek-aq.
Atap óter bolsaq, «Alataý» dástúrli óner teatrynyń uiymdastyrýymen ótkizilip jatqan jańajyldyq shyrsha kúnderi teatr ónerpazdary Aiaz Ata, Qar qyzy, Asan, Úsen, Taýsoǵar, Saqqulaq, Jelaiaq, Mystan, Átesh pen It siiaqty qazaq ertegi keiipkerlerin elimizde alǵash ret somdap, jańa jyldyq hikaialar retinde usynady, án shyrqalyp, bi bilenedi, qyzyqty oiyndar oinalyp, syilyqtar beriledi. Onyń syrtynda Aiaz atanyń balalarǵa arnalǵan otandyq mýltiplikatsiialyq qoiylymy bar. Taǵy bir aita ketetin jáit – erteńgilik kezinde jiylǵan balalardyń ózderi sahnaǵa shyǵyp, teatr ártisterimen birge óner kórsete alady.
Jańa jyl – álemdegi qýanyshqa toly, aitýly da ǵajaiyp merekelerdiń biri. Ol bala kúnnen bizderdiń tanymymyzda siqyrly, ári qaitalanbas ǵajaiyp merekege ainalǵan.
Qurmetti almatylyqtar, qala qonaqtary, barshańyzdy aqsaraily «Alataý» teatryna ulttyq órnekpen ádiptelgen erteńgilikterdi kórýge shaqyramyz! Balalarǵa arnalǵan jańa jyldyq erteńgilikke qatysýshylar sany kúnnen kúnge artýda. Árine, bul alataýlyqtarǵa qýanysh syilap, teatr ónerpazdaryn qanattandyrady.
Esterińizge taǵy sala keteiik, oiyn-saýyq 2018 jylǵy 9 qańtarǵa deiin myna meken-jaida jalǵasatyn bolady: Almaty q., «Alǵabas – 1» yqsham aýdany, 6 úi («Almaty Arena» kesheniniń janynda). Aqparat úshin bailanys tel.: 8 (727) 398-62-44, 8701 645 91 86
Gúlmira Asylbekqyzy,
«Alataý» dástúrli óner teatry
